ശ്രീനഗർ: ഏഷ്യയിലെ ഏറ്റവും വലിയ തുലിപ്സ് പുന്തോട്ടം അടച്ചതായി അധികൃതർ അറിയിച്ചു. ഈ വർഷത്തെ സീസൺ കഴിഞ്ഞതോടെയാണ് തുലിപ്സ് ഗാർഡൻ അടച്ചത്. 2023 മാർച്ച് 19-നാണ് തുലിപ്സ് പൂന്തോട്ടം സന്ദർശകർക്കായി തുറന്ന് നൽകിയത്.സബർവാൻ പർവതനിരയുടെ താഴ്വരയിൽ സ്ഥിതിചെയ്യുന്നതാണ് തുലിപ്സ് പൂന്തോട്ടം.2023 മാർച്ച് 20 മുതൽ 2023 ഏപ്രിൽ 18 വരെ വിനോദ സഞ്ചാരികളുൾപ്പെടെ മൂന്ന് ലക്ഷത്തോളം പേരാണ് പൂന്തോട്ടം സന്ദർശിച്ചത്.
68 ഇനത്തിൽപ്പെട്ട 1.5 ദശലക്ഷം തുലിപ്സ് പൂക്കളാണ് പൂന്തോട്ടത്തിലുണ്ടായിരുന്നതെന്ന് അധികൃതർ അറിയിച്ചു. ഈ വർഷം പൂന്തോട്ടത്തിലെ പുതിയ തുലിപ്സ് പലതും ആംസ്റ്റർഡാമിൽ നിന്ന് കൊണ്ടുവന്നവയാണ്.150 ഓളം പേർ ആറ് മാസമെടുത്താണ് പൂന്തോട്ടം സജ്ജീകരിച്ചിരുന്നത്. അടുത്ത വർഷം കൂടുതൽ തുലിപ്സ് പൂക്കൾ സജ്ജമാക്കുമെന്ന് അധികൃതർ വ്യക്തമാക്കി.
