ഇടുക്കി: കാടിനുള്ളില് വെടിയേറ്റ് മരിച്ച ആദിവാസി യുവാവിന്റെ മൃതദേഹം കുഴിച്ചിട്ട നിലയില് കണ്ടെത്തി. ഇരുപതേക്കര് കുടിയിലെ മഹേന്ദ്രന് എന്നയാളുടെ മൃതദേഹമാണ് കണ്ടെത്തിയത്. നായാട്ടിനിടെ അബദ്ധത്തില് വെടിയേറ്റ് മരിച്ചതാണെന്നാണ് പോലീസ് പറയുന്നത്. മഹേന്ദ്രനെ കാണാനില്ലെന്ന് രാജാക്കാട് പോലീസ് സ്റ്റേഷനില് പരാതി ലഭിച്ചിരുന്നു. ഈ പരാതിയെ തുടര്ന്ന് അന്വേഷണം നടന്നുവരികയായിരുന്നു. ഇതിനിടയിലാണ് സ്ഥിരമായി നായാട്ടിന് പോകാറുള്ള ബൈസണ്വാലി സ്വദേശികളില് ഒരാളെ പോലീസ് പിടികൂടുന്നത്. ഇവരെ ചോദ്യം ചെയ്തുവരുന്നതിനിടെയാണ് നായാട്ടിനിടെ ഒരാള്ക്ക് വെടിയേറ്റതായുള്ള വിവരം ലഭിക്കുന്നത്. സംഭവം പുറത്തറിയാതിരിക്കാന് കൂടെയുണ്ടായിരുന്നവര് മൃതദേഹം കുഴിച്ചിടുകയായിരുന്നുവെന്നും പോലീസ് വ്യക്തമാക്കി. കുഞ്ചിത്തണ്ണി സ്വദേശികളായ പ്രതികള് പോലീസില് കീഴടങ്ങിയിട്ടുണ്ട്.
നായാട്ടിനിടെ വെടിയേറ്റു കൊല്ലപ്പെട്ട ആദിവാസി യുവാവിന്റെ മൃതദേഹം കുഴിച്ചിട്ടു ; പ്രതികള് കീഴടങ്ങി
RECENT NEWS
Advertisment