തിരുവനന്തപുരം : സ്ത്രീകളുടെ ചിത്രങ്ങള്‍ ശേഖരിച്ച്‌ അശ്ളീല വിഡിയോയുമായി മോര്‍ഫ് ചെയ്തു കമ്പ്യൂട്ടറില്‍ സൂക്ഷിച്ച ജ്യോതിഷന്‍ അറസ്റ്റില്‍. മൈലോട്ടു മൂഴി മൊട്ടമൂഡ് ദ്വാരക ജ്യോതിഷാലയം നടത്തുന്ന നെയ്യാറ്റിന്‍കര മഞ്ചവിളാകം വിഷ്ണു പോറ്റി എന്ന വിഷ്ണുവിനെയാണ് നാട്ടുകാര്‍ പിടികൂടി കാട്ടാക്കട പോലീസില്‍ ഏല്‍പ്പിച്ചത്.
സ്ഥാപനത്തില്‍ നിന്നു കിട്ടിയ മെമ്മറി കാര്‍ഡ് ശിഷ്യന്മാര്‍ പരിശോധിച്ചപ്പോഴാണ് തട്ടിപ്പ് കണ്ടെത്തിയത്. ഇയാളില്‍ നിന്നും കണ്ടെടുത്ത പെന്‍ഡ്രൈവ്, മെമ്മറി കാര്‍ഡുകള്‍, ലാപ് ടോപ്, മൊബൈല്‍ എന്നിവ ശാസ്ത്രീയ പരിശോധന നടത്തുമെന്ന് പോലീസ് അറിയിച്ചു. പ്രതിയെ കോടതിയില്‍ ഹാജരാക്കും. ജ്യോതിഷാലയത്തില്‍ എത്തുന്ന സ്ത്രീകളുടെ ഫോട്ടോകളും, ഫേസ്ബുകില്‍ നിന്ന് ശേഖരിക്കുന്ന ചിത്രങ്ങളുമാണ് ഇയാള്‍ മോര്‍ഫ് ചെയ്തിരുന്നത്.
