സ്റ്റേറ്റ് ബാങ്ക് ഓഫ് ഇന്ത്യയുടെ എ.ടി.എം കൗണ്ടറില്‍ തീപിടിത്തം

കല്‍പറ്റ : കല്‍പറ്റ ചുങ്കത്ത് ഗീതാസ് സ്റ്റോറിന് സമീപത്തെ സ്റ്റേറ്റ് ബാങ്ക് ഓഫ് ഇന്ത്യയുടെ എ.ടി.എം കൗണ്ടറില്‍ തീപിടിത്തം. എസ്.ബി.ഐ ടൗണ്‍ ബ്രാഞ്ചിന്റെ താഴത്തെ നിലയിലുള്ള എ.ടി.എം കൗണ്ടറിലാണ് തീപടര്‍ന്നത്. വ്യാഴാഴ്ച രാത്രി 10.15ഓടെയാണ് സംഭവം. ഡി.എമ്മില്‍ കാഷ് നിക്ഷേപിക്കാന്‍ വന്നവരാണ് തീപടരുന്നത് കണ്ടത്. ഇവരും ടൗണിലുള്ളവരും അറിയിച്ചതിനെത്തുടര്‍ന്ന് കല്‍പറ്റ അഗ്നിരക്ഷാ സേന എത്തിയാണ് തീയണച്ചത്. കൗണ്ടറിനുള്ളില്‍ കമ്പ്യൂട്ടര്‍, സ്വിച്ച്‌ ബോര്‍ഡ് എന്നിവയുള്ളിടത്താണ് തീപിടിച്ചത്. തീപിടിത്തത്തിന് കാരണം ഷോര്‍ട്ട് സര്‍ക്യൂട്ടാണെന്നാണ് പ്രഥമിക നിഗമനം