എംഡിഎംഎ കേസിലെ പ്രതികളെ കാണാനെത്തിയവര്‍ പോലീസുകാരെ ആക്രമിച്ചു

കൊല്ലം : എംഡിഎംഎയുമായി അറസ്റ്റിലായ പ്രതികളെ കാണാന്‍ പോലീസ് സ്റ്റേഷനിലെത്തിയവര്‍ പോലീസുകാരനെ ആക്രമിച്ചു. കൊല്ലം കിളികൊല്ലൂര്‍ പോലീസ് സ്റ്റേഷനുള്ളില്‍ കയറിയാണ് രണ്ടംഗ സംഘം ആക്രമണം നടത്തിയത്. സ്റ്റേഷനിലുണ്ടായിരുന്ന എഎസ്ഐയുടെ തല ഇടിച്ചുപൊട്ടിച്ചു. മെഡിക്കല്‍ ലീവിലുള്ള പട്ടാളക്കാരനും സഹോദരനും ചേര്‍ന്നാണ് ആക്രമണം നടത്തിയത്. ഇരുവരും പോലീസ് കസ്റ്റഡിയിലാണ്. പരിക്കേറ്റ പോലീസ് ഉദ്യോഗസ്ഥനെ കൊല്ലം ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്.