ന്യൂഡല്ഹി : ജോഹ്രിപൂരിലെ ജെയിന് കോളനിയില് 45 കാരന് ഭാര്യയെയും പെണ്മക്കളെയും ജനല് പാളി ഉപയോഗിച്ച് ആക്രമിച്ചു. ആക്രമണത്തില് 18 കാരിയായ മകള് മരിച്ചു. വ്യാഴാഴ്ച രാവിലെ 7.15 ന് ദീപ് സെയ്ന് ഭാര്യയുമായി വഴക്കുണ്ടാക്കി തകര്ന്ന ജനല് ചില്ലുകൊണ്ട് ആക്രമിക്കുകയായിരുന്നു. അമ്മയുടെ നിലവിളി കേട്ട് പെണ്കുട്ടികള് ഇടപെട്ട് രക്ഷിക്കാന് ശ്രമിച്ചെങ്കിലും പ്രതി അവരെയും ആക്രമിക്കുകയായിരുന്നു.
പെണ്മക്കളില് ഒരാള്ക്ക് വയറിലും മറ്റുള്ളവര്ക്ക് നെഞ്ചിലും കൈകളിലും പരിക്കേറ്റിട്ടുണ്ട്. ആക്രമണത്തിന് ശേഷം ദീപ് സെയ്ന് സംഭവസ്ഥലത്ത് നിന്ന് ഓടി രക്ഷപ്പെട്ടു. തുടര്ന്ന് കുടുംബാംഗങ്ങള് ബന്ധുക്കളില് ഒരാളെ വിളിച്ച് ആശുപത്രിയിലേക്ക് മാറ്റി. ചികിത്സയ്ക്കിടെ പ്രതിയുടെ 18 വയസ്സുള്ള മകള് മരണത്തിന് കീഴടങ്ങി.
