ചാരുംമൂട് : പോലീസില് പരാതി നല്കിയതിലുള്ള വൈരാഗ്യം മൂലം പിതാവിനെയും മകനെയും മര്ദിച്ച സംഭവത്തില് പ്രതി അറസ്റ്റില്. താമരക്കുളം പേരൂര്ക്കാരാണ്മ പ്രതീക്ഷഭവനില് സ്വാമിദാസനെയും മകനെയും മര്ദിച്ച സംഭവത്തിലാണ് കരിമുളക്കല് രഞ്ജുവിലാസം കിരണിനെ (39) നൂറനാട് സി.ഐ പി. ശ്രീജിത്തും സംഘവും അറസ്റ്റ് ചെയ്തത്.
കഴിഞ്ഞ ദിവസം കരിമുളക്കല്വെച്ച് ബൈക്കിലെത്തിയ കിരണ് സ്വാമിദാസനെയും മകനെയും തടഞ്ഞുനിര്ത്തി കമ്പിവടികൊണ്ട് തലക്കടിച്ച് പരിക്കേല്പ്പിക്കുകയായിരുന്നുവെന്ന് പോലീസ് പറഞ്ഞു. നൂറനാട് സ്റ്റേഷനില് നിരവധി അടിപിടിക്കേസുകളില് കിരണ് പ്രതിയാണ്.
