കൊച്ചി : അട്ടപ്പാടി മധു വധക്കേസില് പ്രതികളുടെ ജാമ്യം റദ്ദാക്കിയ വിചാരണക്കോടതി നടപടി ഹൈക്കോടതി സ്റ്റേ ചെയ്തു. ജാമ്യം റദ്ദാക്കിയതിനെതിരെ രണ്ടും അഞ്ചും പ്രതികള് നല്കിയ ഹര്ജിയിലാണ് നടപടി. തിങ്കളാഴ്ച വരെയാണ് സ്റ്റേ. ഹൈക്കോടതി അനുവദിച്ച ജാമ്യം വിചാരണക്കോടതിക്ക് എങ്ങനെ റദ്ദാക്കാനാകുമെന്ന് ഹര്ജി പരിഗണിക്കുന്നതിനിടെ കോടതി ആരാഞ്ഞു. ജസ്റ്റീസ് കൗസര് എടപ്പഗത്തിന്റെ ബെഞ്ചാണ് ഹര്ജി പരിഗണിച്ചത്.
ഹര്ജിയില് സര്ക്കാരിനു നോട്ടിസ് അയയ്ക്കാന് ഹൈക്കോടതി നിര്ദേശിച്ചു. കേസിലെ രണ്ട്, അഞ്ച് പ്രതികളായ മരക്കാര്, രാധാകൃഷ്ണന് എന്നിവരാണ് ജാമ്യം പുനസ്ഥാപിക്കണമെന്ന് ആവശ്യപ്പെട്ട് ഹൈക്കോടതിയെ സമീപിച്ചത്. ജാമ്യവ്യവസ്ഥ ലംഘിച്ച് സാക്ഷികളെ സ്വാധീനിച്ചു എന്ന പ്രോസിക്യൂഷന് വാദം അംഗീകരിച്ചാണ് മണ്ണാര്ക്കാട് എസ്സിഎസ്ടി കോടതി കഴിഞ്ഞയാഴ്ച പ്രതികളുടെ ജാമ്യം റദ്ദാക്കിയത്. കേസില് ഹൈക്കോടതിയാണ് പ്രതികള്ക്കു ജാമ്യം അനുവദിച്ചത്. വിചാരണക്കോടതിക്ക് ഇതെങ്ങനെ റദ്ദാക്കാനാവുമെന്ന് ഹര്ജി പരിഗണിക്കുന്നതിനിടെ കോടതി ആരാഞ്ഞു. കേസിലെ രണ്ട്, അഞ്ച് പ്രതികളായ മരക്കാര്, രാധാകൃഷ്ണന് എന്നിവര് നല്കിയ ഹര്ജിയാണ് ജസ്റ്റിസ് കൗസര് എടപ്പഗത്ത് പരിഗണിച്ചത്.
