കൊച്ചി: കൊച്ചിയില് എടിഎം തകര്ത്ത് മോഷണം നടത്താന് ശ്രമിച്ച കേസില് യുവാവ് അറസ്റ്റില്. മലപ്പുറം പെരിന്തല്മണ്ണ പുലാമന്തോള് സ്വദേശി പാലത്തിങ്കല് വീട്ടില് ഷഫീറിനെയാണ് (20) അറസ്റ്റ് ചെയ്തത്. കൊച്ചി പനമ്പിളളി നഗര് മനോരമ ജങ്ഷനിലുളള എസ്ബിഐ സിഡിഎം തകര്ത്ത് മോഷണം നടത്താന് ശ്രമിച്ച കേസില് ഒന്നാം പ്രതിയാണാ ഷഫീര്. കഴിഞ്ഞ ഫെബ്രുവരിയിലാണ് മോഷണ ശ്രമം ഉണ്ടായത്.
മനോരമ ജങ്ഷനിലുളള എടിഎം ക്യാബിനുളളില് കടന്ന രണ്ട് പ്രതികള് അലാറം ഓഫ് ചെയ്ത് ഗ്യാസ് കട്ടറും മറ്റ് ടൂള്സും ഉപയോഗിച്ച് മെഷീന് തകര്ക്കാന് ശ്രമിക്കുകയായിരുന്നു. എന്നാല് ബാങ്കിന്റെ മുബൈയിലുളള കണ്ട്രോള് റൂമില് അലര്ട്ട് കിട്ടിയതിനെ തുടര്ന്ന് പോലീസ് കണ്ട്രോളില് വിവരം ലഭിക്കുകയും പോലീസ് ഉടന് സ്ഥലത്തെത്തുകയായിരുന്നു. പോലീസ് വരുന്നത് കണ്ട പ്രതികള് കടന്ന് കളഞ്ഞു. എറണാകുളം എസിപി പി രാജ്കുമാറിന്റെ നേതൃത്വത്തില് പ്രത്യേക അന്വേഷണ സംഘം രൂപീകരിച്ച് അന്വേഷണം നടത്തി വരുകയായിരുന്നു. തുടര്ന്ന് നടത്തിയ അന്വേഷണത്തിലാണ് ഷഫീര് പിടിയിലായത്.
