ആറ്റിങ്ങള് : ആറ്റിങ്ങള് ഇരട്ടക്കൊലപാതക കേസിലെ പ്രതി അനുശാന്തി നല്കിയ ഹര്ജി സുപ്രീം കോടതി ഇന്ന് പരിഗണിക്കും. ശിക്ഷാവിധി മരവിപ്പിച്ച് ജാമ്യം നല്കണമെന്ന് ആവശ്യപ്പെട്ടാണ് ഹര്ജി നല്കിയിരിക്കുന്നത്. കൊലപാതകത്തില് തനിക്ക് പങ്കില്ലെന്നും ആരോഗ്യ പ്രശ്നങ്ങളുണ്ടെന്നും ചൂണ്ടിക്കാട്ടിയാണ് ഹര്ജി. അതേസമയം ശിക്ഷ റദ്ദാക്കണമെന്ന അനുശാന്തിയുടെ അപേക്ഷ നിലവില് ഹൈക്കോടതിയുടെ പരിഗണനയിലാണ്.
ഇതില് വിധി വരും വരെ ശിക്ഷാ വിധി മരവിപ്പിക്കണമെന്നാണ് അനുശാന്തിയുടെ ആവശ്യം. ആരോഗ്യ പ്രശ്നങ്ങള് ചൂണ്ടിക്കാട്ടി നേരത്തെ സുപ്രീം കോടതി അനുശാന്തിക്ക് പരോള് അനുവദിച്ചിരുന്നു. നേത്രരോഗത്തിന്റെ ചികിത്സക്ക് ശേഷം തിരിച്ചെത്തിയ അനുശാന്തി നിലവില് ജയിലില് തുടരുകയാണ്. 2014 ഏപ്രിലില് നാല് വയസുള്ള സ്വന്തം കുഞ്ഞ് സ്വാസ്തികയെയും ഭര്ത്താവിന്റെ അമ്മ ഓമനയേയും കാമുകനുമായി ചേര്ന്ന് അനുശാന്തി കൊലപ്പെടുത്തിയെന്നാണ് കേസ്. ടെക്നോപാര്ക്കിലെ സഹപ്രവര്ത്തകനും കാമുകനുമായ നിനോ മാത്യുവാണ് കൊലനടത്താന് അനുശാന്തിക്ക് കൂട്ടുനിന്നത്. അനുശാന്തിയുടെ ഭര്ത്താവ് ലിജീഷ് കൊലപാതക ശ്രമത്തില് നിന്ന് രക്ഷപ്പെട്ടിരുന്നു. കേസില്
നിനോ മാത്യുവിന് വധശിക്ഷയ്ക്കും അനുശാന്തിയെ ഇരട്ട ജീവപര്യന്തത്തിനുമാണ് ശിക്ഷ വിധിച്ചത്.
