അടൂർ : കുട്ടികളോടുള്ള അതിക്രമം വർധിക്കുന്നതില് ആശങ്കയുണ്ടാക്കുന്നുവെന്ന് ഹൈക്കോടതി ജഡ്ജി മേരി ജോസഫ്. അടൂരിൽ പുതുതായി അനുവദിച്ച ഫാസ്റ്റ് ട്രാക്ക് സ്പെഷ്യൽ കോടതി ഉദ്ഘാടനം ചെയ്യുകയായിരുന്നു അവർ. കുട്ടികൾ പുറത്തേക്ക് പോകുമ്പോൾ രക്ഷിതാക്കൾക്ക് ആകുലതയാണെന്നും ജസ്റ്റിസ് മേരി ജോസഫ് പറഞ്ഞു. ചടങ്ങില് അടൂർ നഗരസഭാ ചെയർമാൻ ഡി.സജി അധ്യക്ഷനായി.
പത്തനംതിട്ട പ്രിൻസിപ്പൽ ഡിസ്ട്രിക്ട് ആൻഡ് സെഷൻസ് ജഡ്ജ് കെ.ജെ.ആർബി, അടൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് എസ്.ഹാഷിം, അടൂർ മുൻസിഫ് എസ്.ആർ.അമൽ, ബാർ അസോസിയേഷൻ പ്രസിഡൻറ് മണ്ണടി മോഹനൻ, സെക്രട്ടറി എം.പ്രിജി, എസ്.മനോജ്, ബിജു വർഗീസ്, കെ.എൻ.ബാബു, ബി.ഉണ്ണികൃഷ്ണൻ, ആർ.വിജയകുമാർ എന്നിവർ പങ്കെടുത്തു.