ആറ്റിങ്ങല്: മദ്യപിച്ചെത്തിയ യുവാക്കള് വീട്ടമ്മയുടെ കട എറിഞ്ഞ് തകര്ത്തു. അയിലം കാറ്റാടിപൊയ്ക പി.എസ്. നിവാസില് എസ്. സുഗന്ധിയുടെ വീടിന് സമീപമുള്ള കടയാണ് തകര്ത്തത്. കടക്കുള്ളില് ടിവി കാണുകയായിരുന്ന നാലുവയസ്സുകാരിയടക്കം മൂന്നു പേര്ക്ക് പരിക്കേറ്റു. സുഗന്ധി ( 53), കുട്ടികളായ വൈഗ നന്ദ , ആരഭി കൃഷ്ണ എന്നിവര്ക്കാണ് പരിക്കേറ്റത്.
വൈകിട്ട് നാല് മണിയോടൊണ് സംഭവം. മദ്യപിച്ച് ബൈക്കിലെത്തിയ ഇരുവരും കടയുടെ സമീപമെത്തിയപ്പോള് തെരുവ് നായ്ക്കള് കുരച്ച് ബൈക്കിന് മുന്നിലേക്ക് ചാടി. ബൈക്ക് നിറുത്തിയ ഇരുവരും നായ്ക്കളെ പിന്തുടര്ന്ന് കല്ലെറിഞ്ഞു. വൈഗ നന്ദയ്ക്കാണ് ഏറുകൊണ്ടത്. ഇത് സുഗന്ധിയുടെ മരുമകന് ചോദ്യം ചെയ്തതാണ് ആക്രമണത്തിന് കാരണം. മരുമകനുമായി വാക്ക് തര്ക്കം കണ്ട സുഗന്ധി തടയാനെത്തി. പ്രകോപിതരായ യുവാക്കള് കടയിലേക്ക് കല്ലെറിയുകയായിരുന്നുവെന്ന് പരാതിയില് പറയുന്നു. ചില്ലലമാരകളും പ്ലാസ്റ്റിക് മേശയും കസേരയും അടക്കം കല്ലേറില് തര്ന്നു. ആറ്റിങ്ങല് പോലീസ് സ്ഥലത്തെത്തിയെങ്കിലും പ്രതികള് രക്ഷപ്പെട്ടു. പരിക്കേറ്റ കുട്ടികള് ആറ്റിങ്ങല് വലിയകുന്ന് ആശുപത്രിയില് ചികിത്സതേടി. ആറ്റിങ്ങല് പോലീസ് കേസെടുത്തു.
