പത്തനംതിട്ട: നാലാംക്ലാസുകാരിക്ക് നേരെ ലൈംഗികാതിക്രമം നടത്തിയ ഓട്ടോ ഡ്രൈവര് അറസ്റ്റില്. കേസില് തിരുവല്ല വെണ്പാല സ്വദേശി വര്ഗീസ് (67) അറസ്റ്റിലായത്. കുട്ടിയെ ലൈംഗികാതിക്രമം നടത്തിയെന്ന അമ്മയുടെ പരാതിയിലാണ് ഇയാള്ക്കെതിരെ പോലീസ് കേസെടുത്തത്. പെണ്കുട്ടിയും സഹപാഠികളും സ്കൂളിലേക്ക് പോകുകയും വീട്ടിലേക്ക് തിരികെ വരികയും ഇയാളുടെ ഓട്ടോയിലായിരുന്നു.
സ്കൂളില് നിന്ന് തിരികെ വരുമ്പോള് എല്ലാ കുട്ടികളെയും ഇറക്കിവിട്ടതിനു ശേഷം പെണ്കുട്ടിയുടെ വീട്ടിലേക്ക് പോകുന്നവഴിയില് വിജനമായ പ്രദേശത്ത് വച്ച് നാലാംക്ലാസുകാരിയോട് വര്ഗീസ് അപമര്യാദയായി പെരുമാറി എന്നതാണ് അമ്മയുടെ പരാതിയില് പറയുന്നത്. കഴിഞ്ഞ ദിവസം വര്ഗീസ് കുട്ടിയോട് അപമര്യാദയായി പെരുമാറുന്നത് നാട്ടുകാരില് ഒരാള് കണ്ടു. ഇക്കാര്യം കുട്ടിയുടെ അമ്മയോട് പറഞ്ഞതോടെയാണ് സംഭവം പുറംലോകം അറിഞ്ഞത്.
