ആലപ്പുഴ : കേന്ദ്രസർക്കാരിന്റെ തൊഴിലാളിവിരുദ്ധ നയങ്ങൾക്കും ഉദ്യോഗസ്ഥരുടെ ദ്രോഹനടപടികൾക്കുമെതിരേ ഓട്ടോ-ടാക്സി-ടെമ്പോ വർക്കേഴ്സ് യൂണിയൻ (സി.ഐ.ടി.യു.) ജില്ലാ കമ്മിറ്റി ധർണ നടത്തി. ദേശീയപാത വികസനവുമായി ബന്ധപ്പെട്ട് ഓട്ടോ-ടാക്സി സ്റ്റാൻഡുകൾ പുനഃസ്ഥാപിക്കുക, വാഹന പരിശോധനയുടെ പേരിൽ ഉദ്യോഗസ്ഥർ നടത്തുന്ന ദ്രോഹനടപടികൾ അവസാനിപ്പിക്കുക, ഇന്ധനവില കുറയ്ക്കുക തുടങ്ങിയ ആവശ്യങ്ങളുന്നയിച്ചായിരുന്നു പ്രതിഷേധം. ഊബർ, ഒല തുടങ്ങിയ ഓൺലൈൻ ടാക്സി സംവിധാനങ്ങൾ തൊഴിൽമേഖലയെ സാരമായി ബാധിക്കുന്നെന്നും മോട്ടോർ വാഹന ആക്ട് ഭേദഗതി ചെയ്തതോടെ തൊഴിലാളികൾക്ക് വാഹനമോടിക്കാൻ പറ്റാത്ത സ്ഥിതിയായെന്നും ഇവർ ആരോപിച്ചു. കളക്ടറേറ്റിലേക്കു നടത്തിയ മാർച്ച് യൂണിയൻ ജില്ലാ പ്രസിഡന്റ് എച്ച്. സലാം എം.എൽ.എ. ഉദ്ഘാടനം ചെയ്തു. ഏരിയ പ്രസിഡന്റ് എം.എം. ഷെരീഫ് അധ്യക്ഷനായി. യൂണിയൻ ജില്ലാ വൈസ് പ്രസിഡന്റ് എസ്. വിനയചന്ദ്രൻ, ജോയിന്റ് സെക്രട്ടറി റജീബ് അലി, ജില്ലാ കമ്മിറ്റിയംഗങ്ങളായ വി.ജെ. ബിജു, സി. ഷാജി, കെ.വി. സുധാകരൻ, ഏരിയ സെക്രട്ടറി നിസാർ കോയാപറമ്പിൽ, ഭാരവാഹികളായ സമീഷ്, സിദ്ധാത്ഥ്, പി.ജെ. ബിജു തുടങ്ങിയവർ സംസാരിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
