ന്യുഡല്ഹി : എ.എക്സ്.എൻ, ദില്ലി ആജ് തക്ക് ഉൾപ്പടെ 40 ഓളം ചാനലുകളാണ് ലോക്ക്ഡൗൺ സാഹചര്യത്തിൽ ഇന്ത്യയിൽ പ്രേക്ഷപണം അവസാനിപ്പിക്കാൻ തീരുമാനിച്ചത്. ഇന്ത്യൻ ചാനൽ രംഗത്തെ തങ്ങളുടെ 21 വർഷത്തെ സേവനമാണ് എ.എക്സ്.എൻ ചാനൽ അവസാനിപ്പിക്കുന്നത്.
സീരീസുകൾ മുഴുവൻ ഒറ്റയടിക്ക് ലഭ്യമാകുന്ന ഇക്കാലത്ത് പഴയ സീരീസുകളിട്ടാൽ ആരുകാണാൻ. പുതിയ സിനിമകളും കൈവശമില്ല. ഗോസ്റ്റ് ഹണ്ട്രസ്, ബ്രേക്കിംഗ് ദി മജിഷ്യൻസ് കോഡ്, വൈപ്പ് ഔട്ട്, ഫിയർ ഫാക്ടർ, മിനിറ്റ് ടു വിൻ ഇറ്റ്, ഷെർലോക്ക്, 24,ബ്ലൂ ബ്ളഡ്സ്, സി.എസ്.ഐ.ക്രൈം സീൻ ഇൻവെസ്റ്റിഗേഷൻ, എലമെന്ററി, സ്കോർപിയോൺ, സെക്സ് ആൻഡ് ദി സിറ്റി, ബ്രേക്കിംഗ് ദി മജിഷ്യൻസ് കോഡ്, മാജിക്സ് ബിഗ്ഗെസ്റ്റ് സീക്രെട്സ് ഫൈനലി റിവീൽഡ്, എൻ സി ഐ എസ്, ലോസ് എൻജെൽസ് തുടങ്ങിയ റിയാലിറ്റി ഷോകൾ… അങ്ങനെയെത്രയെത്ര ഐറ്റങ്ങൾ. ഒരിക്കൽ പ്രിയപ്പെട്ടതായിരുന്ന ചാനലിന് യാത്രാമൊഴി എന്നായിരുന്നു ഒരു സിനിമാഗ്രൂപ്പിലെ ആരാധകൻ പ്രതികരിച്ചത്.
ഓൺലൈൻ ചാനലുകളും ഒ ടി ടി പ്ലാറ്റുഫോമുകളും സജീവം ആയപ്പോൾ അവർക്കൊപ്പം പിടിച്ചുനിൽക്കുക ഇത്തിരി ബുദ്ധിമുട്ടാണ്. പ്രത്യേകിച്ചു ഈ ഒരു കോവിഡ് കാലത്ത്. പഴയ സാധനകൾ വീണ്ടും വിറ്റുപോകില്ല. പരസ്യ വരുമാനം കുറയുന്നുവെന്ന് മനസിലാക്കിയിട്ടാവണം ഇന്ത്യയിലുള്ള ബ്രോഡ്കാസ്റ്റിംഗ്, അതും 21 വർഷത്തെ ജൈത്രയാത്ര, അവർ അവസാനിപ്പിച്ചത്.
