തിരുവനന്തപുരം : എഡിജിപി ബി. സന്ധ്യക്ക് ഡിജിപി പദവി നല്‍കാന്‍ പുതുതായി അധികാരമേറ്റ സംസ്ഥാന പോലീസ് മേധാവി അനില്‍ കാന്ത് സര്‍ക്കാരിനോടു ശുപാര്‍ശ ചെയ്തു. ഡിജിപി കേഡര്‍ പദവിയില്‍ അനില്‍ കാന്ത് പോലീസ് മേധാവി ആയതോടെ സന്ധ്യയ്ക്കു ആ പദവിയിലെ മുന്‍തൂക്കം ഒരു മാസം നഷ്ടമായി. ഈ സാഹചര്യത്തിലാണ് അനില്‍ കാന്ത് ആഭ്യന്തര സെക്രട്ടറിക്കു കത്തു നല്‍കിയത്.
ഒരു ഡിജിപി തസ്തിക കൂടി താല്‍ക്കാലികമായി സൃഷ്ടിച്ച്‌ സ്ഥാനക്കയറ്റം നല്‍കണമെന്നാണു ശുപാര്‍ശ. കേന്ദ്ര അനുമതിയില്ലാതെ ഒരു വര്‍ഷം വരെ താത്കാലിക തസ്തിക സൃഷ്ടിക്കാന്‍ സംസ്ഥാനങ്ങള്‍ക്ക് അധികാരമുണ്ട്. എന്നാല്‍ ഇത് അക്കൗണ്ടന്റ് ജനറല്‍ കൂടി അംഗീകരിക്കണം.
