പൂനെ : യെരവാഡയില്‍ മൂന്നു മാസം പ്രായമായ പെണ്‍കുഞ്ഞ് മരിച്ച സംഭവത്തില്‍ മാതാവും 13കാരനായ മകനും അറസ്റ്റില്‍. കുഞ്ഞിനെ മാതാവ് കഴുത്ത് ഞെരിച്ച്‌ കൊലപ്പെടുത്തുകയും മകന്റെ സഹായത്തോടെ മൃതദേഹം സംസ്‌കരിക്കുകയും ചെയ്തതായും പോലീസ് പറഞ്ഞു. മൃതദേഹം ബാഗിനുള്ളില്‍ പൊതിഞ്ഞു കല്ലുകള്‍ക്കിടയില്‍ സംസ്‌കരിച്ച നിലയില്‍ കണ്ടെത്തി.
യുവതി യഥാര്‍ത്ഥത്തില്‍ ബുല്‍ധാനയില്‍ താമസിക്കുന്നയാളാണെന്നും നുക്ഷന്‍ ജില്ലയില്‍ താമസിക്കുന്ന കൂലിവേലക്കാരനുമായി യുവതിക്ക് ബന്ധമുണ്ടായിരുന്നതായി പോലീസ് പറയുന്നു. ആരോപണവിധേയയായ സ്ത്രീ ഭര്‍ത്താവുമായി അകന്നു കഴിയുകയായിരുന്നുവെന്നും ഗ്രാമത്തിലെ എല്ലാവര്‍ക്കും അവളുടെ ബന്ധത്തെക്കുറിച്ചും ഗര്‍ഭധാരണത്തെക്കുറിച്ചും അറിയാമായിരുന്നുവെന്നും യുവതിയുമായി അടുത്ത വൃത്തങ്ങള്‍ പറഞ്ഞു.
മൂന്നു മാസം മുമ്പാണ് യുവതി ഒരു പെണ്‍കുഞ്ഞിന് ജന്മം നല്‍കിയത്. കുഞ്ഞിനെ കൊലപ്പെടുത്തിയ ശേഷം മൃതദേഹം വീട്ടില്‍ നിന്ന് അല്‍പം അകലെയുള്ള നദിയിലേക്കെറിയാന്‍ 13 വയസുള്ള മകനോട് ആവശ്യപ്പെടുകയും ചെയ്തു. ചോദ്യം ചെയ്യലില്‍ ഇരുവരും കുറ്റം സമ്മതിച്ചിട്ടുണ്ട്.
