ആലപ്പുഴ : സംസ്ഥാനത്ത് ആദ്യമായി നെല്ക്കൃഷിയെ ബാധിക്കുന്ന പാന്റോയ അനതസിസ് ബാക്ടീരിയ കുട്ടനാട്ടില് കണ്ടെത്തി. രാജ്യത്തെ രണ്ടാമത്തെ റിപ്പോര്ട്ടാണിത്. എസ്.ഡി കോളേജിലെ ബോട്ടണി വിഭാഗത്തിലെ ഗവേഷകയായ ടി.എസ് രേഷ്മയാണ് പുതിയ കണ്ടെത്തലിന് പിന്നില്. സസ്യശാസ്ത്രത്തിലെ അന്താരാഷ്ട്ര പ്രസിദ്ധീകരണമായ കനേഡിയന് ജേണല് ഓഫ് പ്ലാന്റ് പാത്തോളജിയുടെ ജൂലൈ ലക്കത്തിലാണ് ഈ കണ്ടെത്തലുകള് പ്രസിദ്ധീകരിച്ചത്. ഉത്തരേന്ത്യയിലെ ബസ്മതി അരിയുടെ നെല്ലില് മാത്രമാണ് ഈ ബാക്ടീരിയയെ ഇന്ത്യയില് കണ്ടെത്തിയിരുന്നതെന്ന് നേരത്തെ റിപ്പോര്ട്ടുകളുണ്ടായിരുന്നു.
അതും നെല്ച്ചെടിയുടെ ഇലകളില് മാത്രം. കതിരില് അനനേറ്റിസ് ബാക്ടീരിയയെ കണ്ടെത്തുന്ന രാജ്യത്തെ തന്നെ ആദ്യ സംഭവമാണ് ആലപ്പുഴയിലേത്. പാന്റോയിയ അനനേറ്റിസ് ജനുസ്സില്പെടുന്ന ബാക്ടീരിയയെയാണ് കണ്ടെത്തിയത്. മങ്കൊമ്പ് കീട നിരീക്ഷണ കേന്ദ്രത്തിന്റെ അസിസ്റ്റന്റ് ഡയറക്ടര് സ്മിത ബാലന് എന്നിവരാണ് പഠന സംഘത്തിലുള്ളത്. രാജ്യത്ത് ആദ്യമായാണ് ഒരു നെല്ച്ചെടിയുടെ കതിരില് പാന്റോയിയ അനനേറ്റിസ് ബാക്ടീരിയ ബാധ റിപ്പോര്ട്ട് ചെയ്യുന്നതെന്ന് ഇവര് പറഞ്ഞു.
