കണ്ണൂര് : ഇ-ബുള് ജെറ്റ് വ്ളോഗര്മാര്ക്ക് ജാമ്യം. ഇരട്ട സഹോദരങ്ങളായ എബിനും ലിബിനും കണ്ണൂര് ഒന്നാം ക്ലാസ് ജുഡീഷല് മജിസ്ട്രേറ്റ് കോടതി ജാമ്യം അനുവദിച്ചത്. പൊതുമുതല് നശിപ്പിച്ചതിന് 3500 രൂപ വീതം ഇരുവരും കെട്ടിവയ്ക്കണമെന്നാണ് കോടതി നിര്ദേശം.
25,000 രൂപയുടെ രണ്ട് ആള് ജാമ്യവും നല്കണം. എബിനെയും, ലിബിനെയും പോലീസ് ക്രൂരമായി മര്ദിച്ചുവെന്നും, ശരീരത്തിലെ പരിക്കുകളെക്കുറിച്ച് ഡോക്ടറുടെ റിപ്പോര്ട്ടുണ്ടെന്നും ഇവരുടെ അഭിഭാഷകന് പറഞ്ഞു. വാഹനം രൂപമാറ്റം വരുത്തിയതും നികുതി അടക്കാത്തതും അടക്കമുള്ള നിയമലംഘനങ്ങളെതുടര്ന്ന് കണ്ണൂര് മോട്ടോര് വാഹന വകുപ്പ് എന്ഫോഴ്സ്മെന്റ് വിഭാഗം കഴിഞ്ഞദിവസം ഇവരുടെ വാന് കസ്റ്റഡിയിലെടുത്തിരുന്നു.
തുടര്ന്ന് ഓഫീസിലെത്തിയ ഇവര് ബഹളംവെച്ച് സംഘര്ഷഭരിതമായ രംഗങ്ങള് സൃഷ്ടിക്കുകയായിരുന്നു. ഇതിനെ തുടര്ന്ന് പോലീസ് ഇവരെ അറസ്റ്റ് ചെയ്യുകയായിരുന്നു. അതേസമയം ഇവരെ പോലീസ് മര്ദിച്ചതായി അഭിഭാഷകന് ചൂണ്ടിക്കാട്ടി. ചുമലിലും കൈകള്ക്കും പരിക്കേറ്റതായും ഡോക്ടറുടെ സര്ട്ടിഫിക്കറ്റ് ഉണ്ടെന്നും അഭിഭാഷകന് മജിസ്ട്രേറ്റിനെ ബോധിപ്പിച്ചിരുന്നു. തീവ്രാദികളോട് പെരുമാറുന്ന പോലെയാണ് ആര്.ടി.ഒയും പൊലീസും പ്രവര്ത്തിച്ചതെന്നും അഭിഭാഷകന് ആരോപിച്ചിരുന്നു.
