ഡെൻപസാർ : അന്താരാഷ്ട്ര വിനോദസഞ്ചാരികളെ വരവേൽക്കാനൊരുങ്ങി ബാലി. ഒക്ടോബർ മുതലായിരിക്കും വിനോദ സഞ്ചാരികൾക്കായി ബാലിയുടെ അതിർത്തികൾ തുറക്കുകയെന്ന് ഇന്ത്യോനേഷ്യൻ ടൂറിസം മന്ത്രി സാന്റിയാഗോ യുനോ അറിയിച്ചു.
ഏത് ദിവസമാണ് അതിർത്തികൾ തുറക്കുകയെന്നതിൽ വ്യക്തതയില്ല. ബാലിയിൽ കോവിഡ് കേസുകൾ കുറയുന്നുവെന്ന് ബാലി വൈസ് ഗവർണറുടെ റിപ്പോർട്ടുകൾ പുറത്ത് വന്നതിന് പിന്നാലെയാണ് അതിർത്തികൾ തുറക്കാൻ തീരുമാനമായത്.ബാലിയിലെ ഏറ്റവും പ്രശസ്തമായ കടലോര വിനോദസഞ്ചാര കേന്ദ്രമെന്നത് മാത്രമല്ല കുട്ട ബീച്ചിന്റെ പ്രത്യേകത. സൂര്യനസ്തമിക്കുന്ന കാഴ്ച കണ്ടിരിക്കേണ്ടത് തന്നെയാണ്.
പാറക്കെട്ടിന് മുകളിലെ ആരാധനാലയമായ ടാനാ ലോട്ട്, കാടിന് നടുവിലെ സെകുംപുൾ വെള്ളച്ചാട്ടം, മൗണ്ട് ബാടുർ എന്ന അഗ്നിപർവതം, സേക്രഡ് മങ്കി ഫോറസ്റ്റ് എന്നിവ ബാലിയിലെ പ്രധാന വിനോദ സഞ്ചാര കേന്ദ്രങ്ങളാണ്.
