തിരുവനന്തപുരം : സംസ്ഥാനത്ത് ശനിയാഴ്ച് മുതല് 3 ദിവസം ബാങ്കുകള് പ്രവര്ത്തിക്കില്ല. ഓഗസ്റ്റ് 29 മുഹറത്തിനാണ് അവധി ആരംഭിക്കുന്നത്. ഓഗസ്റ്റ് 30, 31 ദിവസങ്ങളിലായി യഥാക്രമം ഒന്നാം ഓണം, തിരുവോണം അവധികള് വരുന്നു.
വീട്ടിലിരുന്നു മടുത്തവരെ വീണ്ടും വീട്ടിലിരുത്തുകയാണ് ഇത്തവണത്തെ ഓണ൦. കോവിഡ് വ്യാപനം തടയുന്നതിനായി സര്ക്കാര് ഓഫീസുകളും സ്വകാര്യ സ്ഥാപനങ്ങളും 50% ജീവനക്കാരെ വെച്ചു മാത്രമാണ് പ്രവര്ത്തിക്കുന്നത്. അതിനാല് തന്നെ തുടര്ച്ചയായി അവധി കിട്ടുന്നതിന്റെ സന്തോഷമൊന്നും ഇപ്പോള് പലര്ക്കുമില്ല.
അതേസമയം ശമ്പളവും പെന്ഷനും വിതരണം ചെയ്യുന്നതിനായി ട്രഷറി തുറന്നു പ്രവര്ത്തിക്കാന് ധനകാര്യ വകുപ്പ് നിര്ദ്ദേശിച്ചിട്ടുണ്ട്. ലോട്ടറി ടിക്കറ്റ് തുക സ്വീകരിക്കുന്ന ട്രഷറികള് 1, 2, 10 തീയതികളിലും തുറക്കും.