രക്തത്തിലെ പഞ്ചസാരയുടെ അളവിനെ നിയന്ത്രിക്കാന് ഭക്ഷണം, ഉറക്കം, ചിട്ടയായ വ്യായാമം, മരുന്നുകള്, ആരോഗ്യകരമായ മാനസികാവസ്ഥ തുടങ്ങി പല കാര്യങ്ങളും വേണം. അതില് ഭക്ഷണത്തിനുള്ള പങ്ക് വലുതാണ്. പ്രമേഹ രോഗികള് അന്നജം കുറഞ്ഞ അതായത് ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള് വേണം കഴിക്കാൻ. രക്തത്തിലെ പഞ്ചസാരയുടെ അളവ് കുറയ്ക്കാന് സഹായിക്കുന്ന ഒരു പാനീയമാണ് ബാര്ലി വെള്ളം. നിരവധി ആരോഗ്യ ഗുണങ്ങള് അടങ്ങിയ ഒരു പാനീയം കൂടിയാണിത്. ധാന്യവിഭാഗത്തിൽപെടുന്ന ബാര്ലി വെളത്തില് ചേര്ത്ത് തിളപ്പിച്ച് തയ്യാറാക്കുന്ന പാനീയമാണിത്. നാരുകള്, പോഷകങ്ങള്, ആന്റി ഓക്സിഡന്റുകള് എന്നിവയാല് സമ്പുഷ്ടമാണ് ഇവ. ഫൈബര് ധാരാളം അടങ്ങിയ ബാര്ലി വെള്ളം പ്രമേഹത്തെ നിയന്ത്രിക്കാന് സഹായിക്കും. ഇൻസുലിൻ പ്രതിരോധം മെച്ചപ്പെടുത്താൻ ബാര്ലി വെള്ളം ഫലപ്രദമാണ്. ബാര്ലി വെള്ളത്തിന്റെ ഗ്ലൈസമിക് സൂചികയും കുറവാണ്. ധാരാളം നാരുകള് അടങ്ങിയ ബാര്ലി ശരീരത്തില് നിന്നും വിഷാംശം പുറത്തു കളയാനും സഹായിക്കുന്നു. ഉയര്ന്ന നാരുകള് ഉള്ളതിനാല് ബാര്ലി വെള്ളം പതിവായി കുടിക്കുന്നത് ദഹനം മെച്ചപ്പെടുത്തും. മലബന്ധത്തെ തടയും. വേനല്ക്കാലത്ത് ശരീരത്തിന് ജലാംശം നല്കാനും നിര്ജ്ജലീകരണം തടയാനും ബാര്ലി വെള്ളം സഹായിക്കും.
ബാര്ലി വെള്ളം വൃക്കകളുടെ പ്രവര്ത്തനങ്ങളെ മെച്ചപ്പെടുത്തുന്നു. മൂത്രനാളിയിലെ അണുബാധ, വൃക്കയിലെ കല്ല് തുടങ്ങിയവയുടെ സാധ്യതയെ തടയാന് ഇവ സഹായിക്കും. ഉയര്ന്ന രക്തസമ്മര്ദ്ദത്തെ നിയന്ത്രിക്കാനും കൊളസ്ട്രോള് കുറയ്ക്കാനും ബാര്ലി വെള്ളം പതിവായി ഡയറ്റില് ഉള്പ്പെടുത്താം. അതുപോലെ വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താവുന്ന ഒരു പാനീയമാണ് ബാര്ലി വെള്ളം. വിശപ്പിനെ നിയന്ത്രിക്കുന്ന ഹോര്മോണുകള് പുറത്തുവിടാൻ ബാര്ലി ശരീരത്തെ പ്രേരിപ്പിപ്പിക്കുന്നു. ഈ ഹോര്മോണുകള് മെറ്റബോളിസത്തെ വര്ധിപ്പിച്ചേക്കാം. ഇത് ശരീരഭാരം കുറയ്ക്കാൻ സഹായിക്കും.
