പത്തനംതിട്ട : ലോക്സഭാ മണ്ഡലം യു.ഡി.എഫ് സ്ഥാനാര്ത്ഥി ആന്റോ ആന്റണി എം.പി പാര്ലമെന്റ് അംഗം എന്ന നിലയില് നിയോജക മണ്ഡലത്തില് നടത്തിയത് സമാനതകളില്ലാത്ത വികസന പ്രവര്ത്തനങ്ങളാണെന്നും എന്നാല് മന്ത്രിസഭയിലെ ഒരു അംഗവും ഇടതു സ്ഥാനാര്ത്ഥിയും ആന്റോയ്ക്കെതിരെ നടത്തുന്നത് അസത്യപ്രചരണങ്ങളാണെന്നും ഇതിനെതിരെ യു.ഡി.എഫ്-കോണ്ഗ്രസ് പ്രവര്ത്തകര് ജാഗ്രതയോടെ പ്രവര്ത്തിക്കണമെന്നും ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ലോക്സഭാ മണ്ഡലത്തിലെ യു.ഡി.എഫ് സമൂഹമാധ്യമ വാര്റൂം കോ-ഓര്ഡിനേറ്റര്മാര്ക്ക് ആയി നടത്തിയ ഏകദിന ശില്പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംസ്ഥാനത്തെ കടക്കണിയിലാക്കിയ മുന് ധനകാര്യ മന്ത്രി ആലപ്പുഴയിലെ ജനങ്ങളെ വാഗ്ദാനങ്ങള് നല്കി വഞ്ചിച്ചതിനുശേഷം പത്തനംതിട്ടയില് വീണ്ടും വാഗ്ദാനങ്ങള് നല്കുന്നത് വിരോധാഭാസമാണെന്ന് ഡി.സി.സി പ്രസിഡന്റ് പറഞ്ഞു.
യു.ഡി.എഫ് ജില്ലാ കണ്വീനര് എ. ഷംസുദ്ദീന് അധ്യക്ഷത വഹിച്ചു കെ.പി.സി.സി രാഷ്ട്രീയകാര്യ സമിതി അംഗവും വാര്റൂം സംസ്ഥാന കോ-ഓഡിനേറ്ററുമായ എം. ലിജു, കെ.പി.സി.സി ജനറല് സെക്രട്ടറി അഡ്വ. പഴകുളം മധു, കെ.പി.സി.സി തെരഞ്ഞെടുപ്പ് പ്രചരണ സമിതി കണ്വീനര് പന്തളം സുധാകരന്, വാര് റൂം സഹ കോ-ഓഡിനേറ്ററും വീക്ഷണം മാനേജിംഗ് ഡയറക്ടറുമായ ജെയ്സണ് ജോസഫ്, കെ.പി.സി.സി നയരൂപീകരണ ഗവേഷണ വിഭാഗം യെര്മാന് ജെ.എസ്. അടൂര്, കെ.പി.സി.സി സെക്രട്ടറി റിങ്കു ചെറിയാന്, ഡി.സി.സി ഭാരവാഹികളായ എ. സുരേഷ് കുമാര്, അനില് തോമസ്, സാമുവല് കിഴക്കുപുറ, ജി. രഘുനാഥ്, കെ. ജാസിംകുട്ടി, എലിസബത്ത് അഭു, മഹിളാ കോണ്ഗ്രസ് ജില്ലാ പ്രസിഡന്റ് രജനി പ്രദീപ്, വാര്റൂം കോ-ഓര്ഡിനേറ്റര് എ. അബ്ദുള് ഹാരിസ് എന്നിവര് പ്രസംഗിച്ചു. വിവിധ വിളയങ്ങളെക്കുറിച്ച് സംസ്ഥാന വാര്റൂം കോ-ഓര്ഡിനേറ്റര്മാരും ഡിജിറ്റല് മീഡിയസെല് കണ്വീനര്മാരും ക്ലാസുകള് നയിച്ചു.
