സൗന്ദര്യ പ്രശ്‌നങ്ങളില്‍ പ്രധാനപ്പെട്ടതാണ് മുഖക്കുരു എന്നത്. പ്രത്യേകിച്ചും ടീനേജുകാരില്‍. ഇതിന് കാരണങ്ങള്‍ പലതുമുണ്ട്. ഹോര്‍മോണ്‍ പ്രശ്‌നങ്ങള്‍, ചര്‍മ സംരക്ഷണത്തില്‍ വരുത്തുന്ന തെററുകള്‍, അമിതമായ എണ്ണമയമുള്ള ചര്‍മം, അന്തരീക്ഷ മലിനീകരണം, ഭക്ഷണത്തിലെ പ്രശ്‌നങ്ങള്‍ എന്നിവയെല്ലാം തന്നെ ഇതിന് കാരണമാകുന്നു. മുഖക്കുരുവിന് പരിഹാരമായി ചെയ്യാവുന്ന പല വീട്ടുവൈദ്യങ്ങളുമുണ്ട്. ഇതില്‍ ഒന്നിനെ കുറിച്ചറിയൂ.
ഇതിനായി വേണ്ടത് വെറ്റിലയാണ്. ഒപ്പം ജീരകം, തേന്‍ എന്നിവയും. സാധാരണയായി വെറ്റിലയുടെ ആരോഗ്യ ഗുണങ്ങളെക്കുറിച്ച് നാം ഓര്‍ക്കാറില്ല. ഇതിന് ആന്റി ഇന്‍ഫ്‌ളമേറ്ററി, ആന്റി ബാക്ടീരിയല്‍ ഗുണങ്ങള്‍ ധാരാളമുണ്ട്. ഇത് മുഖത്തെ എണ്ണമയം മാറാന്‍ സഹായിക്കുന്നു. ചര്‍മം ശുദ്ധീകരിയ്ക്കാനും ഇതേറെ നല്ലതാണ്. ചര്‍മത്തിന് മാത്രമല്ല, മുടി സംരക്ഷണത്തിനും വെറ്റില നല്ലതാണ്. ഇതില്‍ ചേര്‍ക്കുന്ന ജീരകവും ചര്‍മത്തിന് ഗുണങ്ങള്‍ നല്‍കുന്നവയാണ്. ഇതിന് രോഗാണുക്കളോട് എതിരിടാനുളള കഴിവുണ്ട്. ഇത് തന്നെയാണ് ചര്‍മാരോഗ്യത്തിന് ഗുണകരമാകുന്നതും. ജീരകത്തിന് ആരോഗ്യ ഗുണങ്ങള്‍ മാത്രമല്ല, സൗന്ദര്യ ഗുണങ്ങളുമുണ്ട്. ഇത് നല്ല ക്ലിയറായ ചര്‍മത്തിന് സഹായിക്കുന്നു. ആന്റിഓക്‌സിഡന്റ് ഗുണം നല്‍കുന്ന ഒന്നാണ് ജീരകം. മുഖക്കുരു മാറാനും മുഖം തിളങ്ങാനുമെല്ലാം ഈ ചേരുവ ഏറെ നല്ലതാണ്.
തേന്‍ ആന്റി ഓക്‌സിഡന്റുകളാല്‍ സമ്പുഷ്ടമാണ്. പല ബ്യൂട്ടി പായ്ക്കുകളിലും ഉപയോഗിയ്ക്കുന്ന ഒന്നാണിത്. ചർമ്മത്തിന് ആവശ്യത്തിന് ഈർപ്പം പകരാനും പല തരം ചർമ്മരോഗങ്ങൾ ഭേദമാക്കാനും തേൻ ഗുണകരമാണ്. വരണ്ട ചർമ്മത്തിൽ നിന്ന് മുക്തി നേടാനും മുഖക്കുരു ഭേദമാക്കാനും, പൊള്ളലേറ്റ ചർമ്മത്തെ ചികിത്സിക്കാനും വരെ തേനിന് ഒന്നിലധികം സൗന്ദര്യ ഗുണങ്ങളുണ്ട്. ഒരു മികച്ച കൊളാജൻ വർദ്ധക ഘടകവുമാണ്. അതിനാൽ ചർമ്മത്തിന്റെ യുവത്വം നിലനിർത്താൻ ഇത് അത്യുത്തമമാണ്.തേൻ മുഖക്കുരു അകറ്റുന്നതിനും പാടുകൾ സുഖപ്പെടുത്തുന്നതിനും ഏറെ ഗുണകരമാണ്.
ഇത് തയ്യാറാക്കാന്‍ എളുപ്പമാണ്. ജീരകവും ഒരു തളിര്‍ വെറ്റിലയും ചേര്‍ത്ത് ചതയ്്ക്കുക. ഇതില്‍ അല്‍പം തേന്‍ കൂടി ചേര്‍ത്തിളക്കണം. ഇതില്‍ കുറച്ച് മാറ്റി വയ്ക്കുത. ബാക്കി മറ്റൊരു വെറ്റിലയില്‍ പൊതിയുക. ഇതിന്റെ നീര് വായിലിട്ട് ചവച്ചരച്ച് ഇറക്കാം. ബാക്കി മാറ്റി വച്ചത് മുഖത്ത് മുഖക്കുരുവിള്ളിടത്ത് പുരട്ടാം. ഇത് അടുപ്പിച്ച് മൂന്ന് ദിവസം ചെയ്താല്‍ തന്നെ കാര്യമായ ഗുണമുണ്ടാകും. ഇത് ഹോര്‍മോണ്‍ ഇംബാലന്‍സ് കുറയ്ക്കാന്‍ സഹായിക്കുന്ന ഒന്നാണ്.
