സൗന്ദര്യത്തെ ബാധിയ്ക്കുന്ന പല പ്രശ്നങ്ങളുമുണ്ട്. ഇതിന് പല തരത്തിലും പരിഹാരം തേടുന്നവരുമുണ്ട്. പലരും കൃത്രിമ വഴികളിലൂടെയാണ് ഇത്തരം കാര്യങ്ങള്ക്ക് പരിഹാരം തേടാറുള്ളത്. എന്നാല് ചില പ്രകൃതിദത്ത വഴികള്, നാച്വറല് വഴികള് യാതൊരു ദോഷവും വരുത്താതെ ചര്മ പ്രശ്നങ്ങള്ക്ക് മരുന്നാക്കാവുന്നതാണ്. ഇത്തരത്തില് ഒന്നാണ് കടലമാവ്. ഇത് പല രീതിയിലും ചര്മത്തില് പ്രയോഗിയ്ക്കാന് സാധിയ്ക്കും. പല തരം ചര്മ പ്രശ്നങ്ങള്ക്കും ഇത് നല്ലൊരു മരുന്നാണ്. വരണ്ട ചര്മത്തിനും പരിഹാരമാക്കാവുന്ന ഒന്നാണ് കടലമാവ്. കടലപ്പൊടിയും പാല്പ്പാടയും ചേര്ത്ത് നല്ല പോലെ പേയ്സ്റ്റ് പരുവത്തില് ആക്കി എടുക്കാം. അതിനുശേഷം ഇത് മുഖത്ത് പുരട്ടാം. കടല മാവിലേയ്ക്ക് രണ്ട് തുള്ളി നാരങ്ങാ നീരോ പാല്പ്പാടയോ അല്ലെങ്കില് ഒലീവ് ഓയിലോ ചേര്ക്കാം. ഒപ്പം അര ടീസ്പൂണ് തേനും ചേര്ത്ത് നന്നായി മിക്സ് ചെയ്ത് എടുക്കാം. ഇത് മുഖത്ത് പുരട്ടാവുന്നതാണ്.
മുഖത്തെ കരുവാളിപ്പ് മാറാന് കടലമാവ് ഏറെ നല്ലതാണ്. ഇതിലേയ്ക്ക് 1 ടീസ്പൂണ് തൈരും നാരങ്ങാനീരും ചേര്ത്ത് നന്നായി മിക്സ് ചെയ്ത് എടുക്കണം. നാരങ്ങ ചേര്ത്തിരിക്കുന്നതിനാല് തന്നെ ഇതിലെ വിറ്റാമിന് സി പിഗ്മെന്റേഷന് കുറയ്ക്കാന് സഹായിക്കും. തൈര് നിങ്ങളുടെ ചര്മ്മം വരണ്ട് പോകാതെ നല്ല മോയ്സ്ച്വര് ആക്കി നിലനിര്ത്തുന്നതിനും സഹായിക്കും. ഈ മിശ്രിതത്തിലേയ്ക്ക് ഒരു നുള്ള് ഉപ്പും ചേര്ത്ത് മിക്സ് ചെയ്ത് മുഖത്ത് തേച്ച് പിടിപ്പിക്കാവുന്നതാണ്. മുഖക്കുരുവിനുള്ള നല്ലൊരു പരിഹാരമാണ് കടലമാവ്. ഇതില് മഞ്ഞള് ചേര്ത്ത് മുഖത്ത് പുരട്ടാം. മഞ്ഞളും കടലപ്പൊടിയും ഒരേ അളവില് എടുക്കുക. ഇതിലേയ്ക്ക് ഒരു ടേബിള്സ്പൂണ് നാരങ്ങാ നീര് ചേര്ക്കാം. ഇതിലേയ്ക്ക് തേനും ചേര്ത്ത് ഇവ നന്നായി മിക്സ് ചെയ്ത് എടുക്കാം. ഇവ നല്ല പേയ്സ്റ്റ് പരുവത്തില് ആക്കി എടുക്കണം. ഇത് മുഖത്ത് പുരട്ടി ഉണങ്ങുമ്പോള് കഴുകിക്കളയാവുന്നതാണ്.
എണ്ണമയമുള്ള ചര്മം പലരേയും അലട്ടുന്ന ഒന്നാണ്. മുഖക്കുരു, പിഗ്മെന്റേഷന് പോലുളള പല പ്രശ്നങ്ങള്ക്കും ഇത് വഴിയൊരുക്കും. ഇതിന് പരിഹാരമായി എപ്പോഴും ഫേസ് വാഷുകള് ഉപയോഗിയ്ക്കണം എന്നില്ല, പകരം കടലമാവ് കൊണ്ടുള്ള പായ്ക്ക് പരീക്ഷിയ്ക്കാം. കടലപ്പൊടി എടുക്കണം. ഇതിലയ്ക്ക് റോസ്വാട്ടര് ചേര്ക്കാം. ഇവ നന്നായി മിക്സ് ചെയ്ത് പേയ്സ്റ്റ് പരുവത്തില് ആക്കണം. ഇത് മുഖത്ത് തേച്ച് അത്യാവശ്യം ഉണങ്ങുന്നത് വരെ ഇരിക്കണം. അതിനുശേഷം തണുത്ത വെള്ളത്തില് കഴുകി കളയാവുന്നതാണ്.
