ലക്നോ : 2014ന് മുമ്പ് രാജ്യത്തെ അന്തരീക്ഷം അവിശ്വാസവും അഴിമതികളും അരാജകത്വവും നിറഞ്ഞ ഒരു “ഇരുണ്ട യുഗം’ പോലെയായിരുന്നുവെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. പക്ഷെ ഇന്ന് സുരക്ഷിതത്വവും ഉറപ്പും നൽകുന്ന സംസ്കാരം പ്രോത്സാഹിപ്പിക്കപ്പെടുന്ന സമ്പദ്വ്യവസ്ഥ അഭിവൃദ്ധി പ്രാപിക്കുന്ന പുതിയ ഇന്ത്യയാണെന്നും യോഗി ആദിത്യനാഥ് കൂട്ടിച്ചേർത്തു.
ചന്ദൗലിയിൽ 743 കോടി രൂപയുടെ 78 വികസന പദ്ധതികളുടെ ഉദ്ഘാടനവും തറക്കല്ലിടലും നിർവഹിച്ചശേഷം സംസാരിക്കുകയായിരുന്നു അദ്ദേഹം. പ്രധാനമന്ത്രി നരേന്ദ്ര മോദി മൂന്നാം തവണയും തിരിച്ചെത്തുമെന്നും ഇന്ത്യ ലോകത്തിലെ മൂന്നാമത്തെ വലിയ ശക്തിയാകുമെന്നും അദ്ദേഹം വ്യക്തമാക്കി.
