ആലുവ :ഭിക്ഷ നല്കിയത് കുറഞ്ഞു പോയി യാചകന് സ്ത്രീയെ കത്രിക കൊണ്ട് കുത്തി ഭിക്ഷയായി ഒരു രൂപ നല്കിയതിന് യാചകന് സ്ത്രീയെ ആക്രമിച്ചു. ആലുവ കെഎസ്ആര്ടിസി പരിസരത്ത് വെള്ളിയാഴ്ച ഉച്ചക്ക് രണ്ട് മണിയോടെ ആയിരുന്നു സംഭവം. തമിഴ്നാട് പഴനി സ്വദേശി ബാലുവാണ് ആക്രമിച്ചത്. വികലാംഗനായ ഇയാള് പതിവായി ഇവിടെയിരുന്ന് ഭിക്ഷ യാചിക്കാറുണ്ട്. ഇതുവഴി വന്ന സ്ത്രീയോട് ഭിക്ഷ ചോദിച്ചപ്പോള് ഇവര് ഒരു രൂപ നല്കി. പ്രകോപിതനായ ബാലു ഉടനെ സ്ത്രീയുടെ കാലില് കടന്നുപിടിക്കുകയും കയ്യിലുണ്ടായിരുന്ന കത്രിക കൊണ്ട് കുത്തുകയുമായിരുന്നു.
ആളുകള് എത്തിയതോടെ ഇയാള് ഓടിരക്ഷപ്പെട്ടു. സംഭവ സ്ഥലത്തുണ്ടായിരുന്ന രണ്ട് വിദ്യാര്ഥികളും മറ്റൊരു സ്ത്രീയും ഇയാളുടെ പിന്നാലെ ഓടിയെങ്കിലും പിടികൂടാനായില്ല. പിന്നീട് സമീപത്തെ കള്ള് ഷാപ്പില് നിന്ന് ഇറങ്ങി വന്ന ബാലുവിനെ ഇവര് പിടികൂടുകയും പോലീസില് ഏല്പ്പിക്കുകയും ചെയ്തു. പരിക്കേറ്റ സ്ത്രീയെ സമീപത്തെ ജില്ലാ ആശുപത്രിയില് എത്തിച്ച് ചികില്സ നല്കി.
