ആരോഗ്യ ഗുണങ്ങള്‍ ഏറെ നല്‍കുന്ന വ്യായാമമാണ് നടത്തം. ശരീരത്തിലെ രക്തയോട്ടം വര്‍ധിപ്പിക്കുക, ബോണ്‍ മാസ് കുറയുന്നത് തടയുക, അമിതവണ്ണം ഇല്ലാതാക്കുക, പേശികളെ ബലപ്പെടുത്തുക, ഉറക്കം മെച്ചപ്പെടുത്തുക, സന്ധികളുടെ പ്രവര്‍ത്തനം സുഗമമാക്കുക, ശ്വാസകോശത്തിന്റെ പ്രവര്‍ത്തനം മെച്ചപ്പെടുത്തുക, മസ്തിഷ്‌ക ആരോഗ്യം സംരക്ഷിക്കുക, ഓര്‍മശക്തി നിലനിര്‍ത്തുക തുടങ്ങി ധാരാളം ഗുണങ്ങള്‍ നല്‍കാന്‍ പതിവായ നടത്തത്തിന് സാധിക്കും. ഏകദേശം 70 കിലോ ഭാരമുള്ള ഒരാള്‍ 30 മിനിറ്റ് നടക്കുന്നതിലൂടെ ഏകദേശം 167 കലോറി എരിച്ചു കളയാനാകും എന്നാണ് പഠനങ്ങള്‍ പറയുന്നത്. നമ്മുടെ ഈ നടത്ത സമയം അതിരാവിലെ ആക്കിയാല്‍ ഒരു ദിവസത്തെ നിങ്ങളുടെ മുഴുവന്‍ അലസതയും ക്ഷീണവും ഒഴിവാക്കുന്നതില്‍ തുടങ്ങി നിങ്ങളുടെ കാര്‍ഡിയോ താളം മെച്ചപ്പെടുത്തിക്കൊണ്ട് മനസ്സിനും ശരീരത്തിനും അധിക നേട്ടങ്ങള്‍ നല്‍കുന്നതിന് വരെ രാവിലെയുള്ള ഈയൊരു പ്രവര്‍ത്തി സഹായിക്കും. പ്രഭാത നടത്തം ഹൃദയത്തെ ശക്തമാക്കുന്നു. പ്രഭാത നടത്തത്തിനായി പതിവായി പോകുന്നതിലൂടെ ഹൃദയസംബന്ധമായ പ്രശ്‌നങ്ങള്‍ ഒരു പരിധിവരെ ഒഴിവാക്കാനാകും എന്ന് പറയപ്പെടുന്നു.
ജീവിതശൈലി രോഗങ്ങളുടെ സാധ്യത കുറയ്ക്കുന്നു. പ്രമേഹം, തൈറോയ്ഡ്, രക്താതിമര്‍ദ്ദം തുടങ്ങിയ ജീവിതശൈലി രോഗങ്ങളുടെ ലക്ഷണങ്ങളുടെ സാധ്യത കുറയ്ക്കുന്നതിന് പ്രഭാത നടത്തം വളരെയധികം ഗുണം ചെയ്യുന്നുവെന്ന് പഠനങ്ങള്‍ തെളിയിച്ചിട്ടുണ്ട്. ഉയര്‍ന്ന അളവിലുള്ള ട്രൈഗ്ലിസറൈഡുകളും കുറഞ്ഞ അളവിലുള്ള എച്ച്ഡിഎല്‍ കൊളസ്‌ട്രോളും ഉള്ള ഇത്തരം രോഗങ്ങളുടെ സംയോജനം മെറ്റബോളിക് സിന്‍ഡ്രോമിലേക്ക് നയിക്കുന്നു. ഇതെല്ലാം ഹൃദ്രോഗത്തിന് വരേ കാരണമാകുന്നവയാണ് എന്ന് പറയപ്പെടുന്നു. മാനസിക ക്ഷേമം മെച്ചപ്പെടുത്തുന്നു. നിങ്ങളുടെ ദിവസത്തിന്റെ തുടക്കത്തില്‍ തന്നെ കുറച്ച് വ്യായാമം നേടാനുള്ള മികച്ച മാര്‍ഗ്ഗം എന്നതിനപ്പുറം പ്രഭാത നടത്തം നിങ്ങള്‍ക്ക് സന്തോഷം നല്‍കുകയും ദിവസത്തില്‍ ഉടനീളം ഒരു പോസിറ്റീവ് ടോണ്‍ സജ്ജമാക്കുകയും ചെയ്യുന്നു.
ദിവസവും അര മണിക്കൂര്‍ മുതല്‍ ഒരു മണിക്കൂര്‍ വരെ വേഗത്തില്‍ നടക്കുന്ന ശീലം വിഷാദരോഗം ബാധിച്ചവരെ നല്ല രീതിയില്‍ സ്വാധീനിക്കുന്നു എന്നാണ്. നിങ്ങളുടെ ഓര്‍മ്മശക്തിയെ പരിരക്ഷിക്കുന്നതിനും നിങ്ങളുടെ വൈജ്ഞാനിക കഴിവുകള്‍ മെച്ചപ്പെടുത്തുന്നതിനും നടത്തം സഹായിക്കും. നിങ്ങള്‍ നടക്കുമ്പോള്‍ നിങ്ങളുടെ തലച്ചോറിലേക്കുള്ള ഓക്‌സിജന്റെയും രക്തത്തിന്റെയും തിരക്ക് നിങ്ങളുടെ തലച്ചോറിനെ ജാഗ്രതപ്പെടുത്തുകയും തലച്ചോറിന്റെ പ്രവര്‍ത്തനം മെച്ചപ്പെടുത്തുകയും ചെയ്യുന്നു. 60 വയസ്സിനു മുകളിലുള്ളവരെല്ലാം പ്രഭാത നടത്തം ശീലമാക്കുന്നത് വഴി പ്രായമാകുന്നതുമായി ബന്ധപ്പെട്ടുണ്ടാകുന്ന ബന്ധപ്പെട്ട ഓര്‍മ്മശക്തി കുറവിനെ പ്രതിരോധിക്കാന്‍ കഴിയുമെന്ന് പറയപ്പെടുന്നു.
