ബെംഗളൂരു : ഫേസ്ബുക്ക് പോസ്റ്റിനെ തുടര്‍ന്നുണ്ടായ സംഘര്‍ഷം വര്‍ഗീയ കലാപമായി മാറാതിരിക്കാന്‍ അക്ഷീണം പ്രയ്തനിച്ച്‌ ഒരു കൂട്ടം മുസ്ലീം യുവാക്കള്‍. സംഘര്‍ഷം മൂര്‍ച്ഛിച്ച സമയത്ത് ഡി ജെ ഹള്ളി പോലീസ് സ്‌റ്റേഷന്‍ പരിധിയിലെ ക്ഷേത്രത്തിന് തീയിടുമെന്ന് പേടിച്ച്‌ കാവല്‍ നില്‍ക്കാന്‍ ഇവര്‍ സ്വയം സന്നദ്ധരായി രംഗത്തെത്തുകയായിരുന്നു. ഇങ്ങനെ ക്ഷേത്രത്തിന് ചുറ്റും മനുഷ്യമതില്‍ തീര്‍ത്ത മുസ്ലീം യുവാക്കളുടെ വീഡിയോ എ എന്‍ ഐ പുറത്തുവിട്ടു.
പുലികേശി നഗര്‍ കോണ്‍ഗ്രസ് എം എല്‍ എ അഖണ്ഡ ശ്രീനിവാസമൂര്‍ത്തിയുടെ മകന്‍ മതവിദ്വേഷത്തിന് കാരണമായ ഫേസ്ബുക്ക് പോസ്റ്റ് ചെയ്‌തെന്ന് ആരോപിച്ചാണ് സംഘര്‍ഷം ഉടലെടുക്കുന്നത്.
