കൊച്ചി : ബെവ് ക്യൂ ആപ്പ് പരീക്ഷണ പരിപാടി വന്വിജയം രണ്ട് മിനിറ്റില് ആപ്പ് ഡൗണ്ലോഡ് ചെയ്തത് ഇരുപതിനായിരത്തിലധികം ആളുകള്. എക്സൈസ് മന്ത്രിയുടെ വാര്ത്താസമ്മേളനം 3.30 ന് നടക്കും. സംസ്ഥാനത്തെ മദ്യക്കടകള് നാളെ തുറന്നേക്കുമെന്നാണ് സൂചന. അനിശ്ചിതത്വങ്ങള്ക്ക് ഒടുവിലാണ് കഴിഞ്ഞ ദിവസം ബവ് ക്യൂ ആപ്പിനു ഗൂഗിള് അനുമതി ലഭിച്ചത്. രാവിലെ മുതല് പരീക്ഷണ പ്രവര്ത്തനവും ആരംഭിച്ചു. സാങ്കേതിക പ്രശ്നങ്ങളില്ലാതെ പരീക്ഷണ പ്രവര്ത്തനം മുന്നോട്ടു പോകുന്നതിനാല് മന്തിയുടെ വാര്ത്താ സമ്മേളനം കഴിഞ്ഞാലുടന് ആപ്പ് പൊതുജനങ്ങള്ക്കായി തുറന്നു നല്കും.
പ്ലേ സ്റ്റോറില് നിന്നു സൗജന്യമായി ഡൗണ്ലോഡ് ചെയ്യാവുന്ന ആപ്പില് നിന്നു ടോക്കണ് എടുക്കാം. ബാറുകളില്,ഔട്ട്ലെറ്റുകള് വാങ്ങേണ്ടതെന്നു ടോക്കണ് ലഭിച്ച ആളിനു തെരഞ്ഞെടുക്കാം. ടോക്കണ് കിട്ടുന്നവര്ക്ക് നാളെ രാവിലെ ഒന്പതു മുതല് മദ്യം ലഭ്യമാക്കി തുടങ്ങും. ആദ്യ ദിവസം വാങ്ങുന്നവര് അഞ്ചാമത്തെ ദിവസമേ ഇനി മദ്യം വാങ്ങാന് സാധിക്കുകയുള്ളു. ടോക്കണിലെ ക്യൂആര് കോഡ് പരിശോധിച്ച ശേഷമാകും മദ്യം നല്കുക. എസ്എംഎസ് മുഖേനയും മദ്യം വാങ്ങാം.