തിരുവനന്തപുരം : ബീവറേജസ് കോര്പറേഷന് സെല്ഫ് സര്വീസ് കൗണ്ടറുകള് വെള്ളിയാഴ്ച മുതല് പ്രവര്ത്തനം തുടങ്ങും. കോവിഡ് പശ്ചാത്തലത്തില് സെല്ഫ് സര്വീസ് കൗണ്ടറുകളെ സാധാരണ കൗണ്ടറുകളാക്കി മാറ്റിയിരുന്നു. മാളുകള്ക്കും റസ്റ്ററന്റുകള്ക്കും പ്രവര്ത്തനാനുമതി ലഭിച്ച സാഹചര്യത്തിലാണ് പഴയ സ്ഥിതിയിലേയ്ക്കു കൊണ്ടുവരുന്നത്. വെര്ച്വല് ക്യൂവില് ബുക്ക് ചെയ്യുന്നവര്ക്ക് മാത്രമേ സെല്ഫ് സര്വീസ് കൗണ്ടറില്നിന്ന് മദ്യം ലഭ്യമാകൂ. ഉപഭോക്താക്കള് കോവിഡ് സംബന്ധിച്ച സര്ക്കാര് മാനദ്ണ്ഡങ്ങള് പാലിക്കണം. ഒരു സമയം 5 ഉപഭോക്താക്കള് മാത്രമേ കൗണ്ടറില് കയറാവൂ.
