ജമ്മു : ഭാരത് ജോഡോ യാത്രയുടെ ഉച്ചകഴിഞ്ഞുള്ള യാത്ര റദ്ദാക്കി. കനത്ത മഴയും മണ്ണിടിച്ചിലും കാരണമാണ് യാത്ര റദ്ദാക്കിയതെന്ന് കോണ്ഗ്രസ് നേതാവ് ജയ്റാം രമേശ് അറിയിച്ചു.ഒരു ദിവസത്തെ ഇടവേളയ്ക്ക് ശേഷം വെള്ളിയാഴ്ച യാത്ര പുനരാരംഭിക്കും. ’മോശം കാലാവസ്ഥയും മണ്ണിടിച്ചിലും കാരണം റമ്പനിലെയും ബനിഹാലിലെയും ഉച്ചകഴിഞ്ഞുള്ള ഭാരത് ജോഡോ യാത്ര റദ്ദാക്കി. നാളെ വിശ്രമ ദിവസമാണ്. ജനുവരി 27 ന് രാവിലെ 8 മണിക്ക് യാത്ര പുനരാരംഭിക്കും’ കോണ്ഗ്രസ് ജനറല് സെക്രട്ടറി ഇന് -ചാര്ജ് കമ്മ്യൂണിക്കേഷന്സ് ജയ്റാം രമേശ് ട്വിറ്ററില് കുറിച്ചു.
നിര്ത്താതെ പെയ്യുന്ന മഴയ്ക്കിടെയും കോണ്ഗ്രസ് നേതാവ് രാഹുല് ഗാന്ധി ബുധനാഴ്ച റമ്പാനില് നിന്ന് ഭാരത് ജോഡോ യാത്ര പുനരാരംഭിച്ചിരുന്നു. ഹൈവേ നഗരമായ ബനിഹാലിലേക്ക് പോകുകയായിരുന്നെങ്കിലും പ്രതികൂല കാലാവസ്ഥയെത്തുടര്ന്ന് യാത്ര നിര്ത്തിവെക്കേണ്ടി വന്നു. ലാംബര് ക്യാമ്പിങ് സ്റ്റേഷനില് ചെറിയ മഞ്ഞുവീഴ്ച ഉണ്ടായി. ബനിഹാലില് രാത്രിയില് നിര്ത്താതെ മഴപെയ്യുകയും ചെയ്തിരുന്നു. മധ്യഭാഗത്തും ഉയര്ന്ന പ്രദേശങ്ങളിലും കനത്ത മഞ്ഞുവീഴ്ചയും പകല്സമയത്ത് സമതലങ്ങളില് മഴയും ഉണ്ടാകുമെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചിട്ടുണ്ട്.
ജമ്മു-ശ്രീനഗര് ദേശീയ പാതയിലൂടെ റംബനില് നിന്ന് ബനിഹാലിലേക്കുള്ള 270 കിലോമീറ്റര് യാത്ര ഏറെ വെല്ലുവിളി നിറഞ്ഞതാണ്. പന്തിയാല്, മെഹര്, മഗര്കോട്ട് തുടങ്ങിയ സ്ഥലങ്ങളില് കുന്നുകളില് നിന്ന് പാറക്കല്ലുകള് അടര്ന്നു വീഴാന് സാധ്യതയുളളവയാണ്. കനത്ത മഴയെത്തുടര്ന്ന് ഒരു മണിക്കൂര് വൈകി ബത്തിയില് നിന്ന് രാവിലെ 9 മണിയോടെ യാത്ര പുനരാരംഭിച്ചെന്നും റംബാന് ടൗണിലെ മൈത്ര വഴിയുള്ള പഴയ അലൈന്മെന്റ് റോഡിലൂടെ യാത്ര സുഗമമായി പുരോഗമിക്കുകയാണെന്നും ജമ്മുകശ്മീര് പ്രദേശ് കോണ്ഗ്രസ് കമ്മിറ്റി വക്താവ് ജഹന്സൈബ് സിര്വാള് പറഞ്ഞു.
തന്റെ മുഖമുദ്രയായ വെള്ള ടീ ഷര്ട്ട് ധരിച്ച് യാത്ര ആരംഭിച്ച രാഹുല് ഗാന്ധി ജമ്മു കശ്മീരിലേക്ക് പ്രവേശിച്ചപ്പോള് കറുത്ത മഴക്കോട്ടും ധരിച്ചിരുന്നു. കനത്ത മഴയെ അവഗണിച്ച് കോണ്ഗ്രസ് പ്രവര്ത്തകരും അനുഭാവികളും ത്രിവര്ണ പതാകയേന്തി രാഹുല് ഗാന്ധിയെ സ്വീകരിക്കാനെത്തിയിരുന്നു. സെപ്റ്റംബര് ഏഴിന് കന്യാകുമാരിയില് നിന്ന് ആരംഭിച്ച യാത്ര വ്യാഴാഴ്ച പഞ്ചാബ് വഴിയാണ് ജമ്മു കശ്മീരില് പ്രവേശിച്ചത്.
നാളെ രാഹുല് ഗാന്ധി റിപ്പബ്ലിക് ദിനം ആഘോഷിക്കുകയും ദേശീയ പതാക ഉയര്ത്തുകയും ചെയ്യും. ജനുവരി 27ന് രാവിലെ കശ്മീരിലേക്ക് യാത്ര പുറപ്പെടും. ജനുവരി 30 ന് ശ്രീനഗറിലെ പാര്ട്ടി ആസ്ഥാനത്ത് ഗാന്ധി ദേശീയ പതാക ഉയര്ത്തുകയും ഷേര്-ഇ-കശ്മീര് ക്രിക്കറ്റ് സ്റ്റേഡിയത്തില് നടക്കുന്ന സമാപന സമ്മേളനത്തെ ഭിസംബോധന ചെയ്യുകയും ചെയ്യുന്നതോടെ ഭാരത് ജോഡോ യാത്രയ്ക്ക് സമാപനമാകും.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033