പത്തനംതിട്ട: ഉത്തർപ്രദേശിൽ ഹത്രസിൽ അതിക്രൂരമായി പീഡനത്തിനിരയായി ചികിത്സയിലിരിക്കെ മരണപ്പെട്ട ദളിത് പെൺകുട്ടിയുടെ കുടുംബത്തോട് നീതി പുലർത്തുന്നതിനോടൊപ്പം കുറ്റക്കാരെ നിയമത്തിനു മുന്നിൽ കൊണ്ടുവന്ന് മാതൃകാപരമായി ശിക്ഷ നൽകുവാൻ അധികാരികൾ കർശന നടപടി സ്വീകരിക്കണമെന്ന് കെപിസിസി നിർവാഹക സമിതി അംഗം പി മോഹൻരാജ് പറഞ്ഞു. ഭാരതീയ ദളിത് കോൺഗ്രസ് ജില്ലാ കമ്മിറ്റിയുടെ ആഭിമുഖ്യത്തിൽ ഗാന്ധി സ്ക്വയറിൽ നടന്ന പ്രതിഷേധ സമര ജ്വാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ദളിത് കോൺഗ്രസ് ജില്ലാ പ്രസിഡൻറ് കെ എൻ അച്യുതൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി പി ജി ദിലീപ് കുമാർ, സംസ്ഥാന സമിതി അംഗം എം പി രാജു, കെ എൻ രാജൻ, ബ്ലോക്ക് പ്രസിഡണ്ട് അബ്ദുൽ കലാം ആസാദ്, ടൗൺ മണ്ഡലം പ്രസിഡണ്ട് റെന്നീസ് മുഹമ്മദ്, രാജൻ ആറന്മുള, സി കെ രാജേന്ദ്രപ്രസാദ്, സുജാത കുമാരി, കെ കെ കുട്ടപ്പൻ, സന്തോഷ് നാരങ്ങാനം, തുടങ്ങിയ നേതാക്കൾ പ്രസംഗിച്ചു.
