അഹമ്മദാബാദ്: ഗുജറാത്തിലെ വനിതാ കോളജില് വിദ്യാര്ഥിനികളുടെ അടിവ്സത്രമഴിച്ച് ആര്ത്തവ പരിശോധന നടത്തിയ സംഭവത്തില് പ്രിന്സിപ്പലടക്കം നാല്പേര് അറസ്റ്റില്. ഭുജിലെ ശ്രീ സഹജാനന്ദ് ഗേള്സ് കോളേജ് പ്രിന്സിപ്പല് റിത്ത റാനിംഗ, ഹോസ്റ്റല് സൂപ്പര്വൈസര്, കോര്ഡിനേറ്റര്, പ്യൂണ് എന്നിവരാണ് അറസ്റ്റിലായത്.
കോളജ് ഹോസ്റ്റലില് താമസിക്കുന്ന 68 പെണ്കുട്ടികള്ക്കെതിരായാണ് പ്രിന്സിപ്പലും സംഘവും പ്രാകൃത നടപടി നടത്തിയത്. പരിശോധനയുടെ ഭാഗമായി പ്രിന്സിപ്പലിന്റെ നേതൃത്വത്തിലുള്ള ജീവനക്കാര് വിദ്യാര്ത്ഥിനികളെ വരിക്ക് നിര്ത്തിച്ച് പെണ്കുട്ടികള് ആര്ത്തവ കാലത്തിലല്ലെന്ന് തെളിയിക്കാന് അപമാനകരമായി നിര്ബന്ധിച്ചു അടിവസ്ത്രം അഴിപ്പിച്ച് പരിശോധിച്ചതായി വിദ്യാര്ത്ഥികള് പറഞ്ഞു.
