കൊല്ലം : കൊല്ലം ചിതറയില് പോലീസ് വാഹന പരിശോധനയ്ക്കിടെ അപകടം. പോലീസ് റോഡില് വാഹനപരിശോധന നടത്തുന്നത് കണ്ട് വെട്ടിച്ച ബൈക്ക് മറ്റൊരു ബൈക്കുമായി കൂട്ടിയിടിച്ചാണ് അപകടമുണ്ടായത്. അപകടത്തില് രണ്ട് പേര്ക്ക് പരിക്കേറ്റു. പെരുങ്ങാട് സ്വദേശിയായ പ്ലസ് ടു വിദ്യാര്ഥി ബാസിഫ്, ചാണപ്പാറ സ്വദേശി ശിവന് എന്നിവര്ക്കാണ് പരിക്കേറ്റത്. ബാസിഫും സുഹൃത്തും പോലീസിനെ വെട്ടിച്ച് കടക്കാന് ശ്രമിക്കുന്നതിനിടെയായിരുന്നു അപകടമെന്ന് നാട്ടുകാര് പറയുന്നു.
