കോതമംഗലം : അയ്യങ്കാവ് ശ്രീധര്മശാസ്ത ക്ഷേത്രത്തില് മോഷണശ്രമം നടത്തിയ യുവാവ് അറസ്റ്റില്. ഇടുക്കി ഇരുമ്പുപാലം മംഗലത്ത് വീട്ടില് രമേശനെയാണ് (27) പിടികൂടിയത്. കോതമംഗലം പോലീസ് ആണ് അറസ്റ്റ് ചെയ്തത്. അതിരാവിലെ മോഷ്ടിക്കാന് ക്ഷേത്രത്തില് കയറിയപ്പോള് ആളുകളുടെ ശ്രദ്ധയില്പ്പെട്ടതോടെ ഓടി രക്ഷപ്പെടുകയായിരുന്നു.
തുടര്ന്ന്, പോലീസ് സംഘം നടത്തിയ പരിശോധനയിലാണ് ഇയാള് പിടിയിലായത്. എസ്.എച്ച്.ഒ ബേസില് തോമസ് എസ്.എമാരായ ജോര്ജ്, മാര്ട്ടിന്, എ.എസ്.ഐമാരായ റെജി, രഘുനാഥ്, മുഹമ്മദ്, എസ്.സി.പി.ഒമാരായ നിഷാന്ത്, ഷക്കീര്, ശ്രീജിത്, മെറ്റില്ഡ എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയില് ഹാജരാക്കി.
