കളമശ്ശേരി : ലോറിയും ബൈക്കും കൂട്ടിയിടിച്ച് യുവാവ് മരിച്ചു. പാലക്കാട് വടക്കഞ്ചേരി കണക്കന് തുരുത്തില് കുംബ്ലപ്പടി വീട്ടില് ഹരിദാസിന്റെ മകന് എച്ച്.അനൂപാണ്(23) മരിച്ചത്. വെള്ളിയാഴ്ച ഉച്ച കഴിഞ്ഞ് അമ്പാട്ടുകാവിലായിരുന്നു അപകടം. ഇരു വാഹനങ്ങളും ആലുവയില് നിന്ന് കളമശ്ശേരി ഭാഗത്തേക്ക് പോകുകയായിരുന്നു. ഗുരുതര പരിക്കേറ്റ അനൂപിനെ ഉടന് ആലുവ കാരോത്തുകുഴി ആശുപത്രിയില് കൊണ്ടുപോയെങ്കിലും രക്ഷിക്കാനായില്ല. കാക്കനാട് സാരംഗ സോഫ്റ്റ് വെയര് കമ്പനിയില് ഡിസൈനറാണ് അനൂപ്. മൃതദേഹം ആലുവ കാരോത്തുകുഴി ആശുപത്രി മോര്ച്ചറിയില്.
