കൊച്ചി : ലഹരിമരുന്ന് കേസില് അറസ്റ്റിലായ ബിനീഷ് കോടിയേരിയ്ക്ക് എംഎല്എമാരായ മുകേഷിന്റേയും ഗണേഷിന്റേയും പിന്തുണ ഏറ്റില്ല, ബിനീഷിനോട് ഇതേകുറിച്ച് വിശദീകരണം തേടും. തീരുമാനം അറിയിച്ച് അമ്മ പ്രസിഡന്റ് മോഹന്ലാല്. പാര്വതി തിരുവോത്തിന്റെ രാജിയുടെ കാര്യത്തിലും തീരുമാനമായി.
ബിനീഷിനെ സംഘടനയില്നിന്നു സസ്പെന്ഡ് ചെയ്യണമെന്ന ആവശ്യമുയര്ന്നതിനു പിന്നാലെ രൂക്ഷമായ വാക്കേറ്റമാണു യോഗത്തിലുണ്ടായത്. നടന് സിദ്ദിഖ് ഉള്പ്പെടെയുള്ളവര് ബിനീഷ് കോടിയേരിയെ സംഘടനയില്നിന്നു സസ്പെന്ഡ് ചെയ്യണമെന്ന് ആവശ്യപ്പെട്ടു. നടിമാരായ ഹണി റോസ്, രചന നാരായണന് കുട്ടി തുടങ്ങിയവരും ഇതേ നിലപാടാണു സ്വീകരിച്ചത്. എന്നാല് എംഎല്എമാരായ മുകേഷ്, ഗണേഷ് കുമാര് തുടങ്ങിയവര് തിടുക്കപ്പെട്ട് നടപടി വേണ്ട എന്ന നിലപാടെടുത്തു. ഇതോടെയാണു വാക്കുതര്ക്കത്തിലേക്കു കാര്യങ്ങള് നീങ്ങിയത്. 2009 മുതല് ബിനീഷ് കോടിയേരി അമ്മയുടെ ആജീവനാന്ത അംഗത്വം എടുത്തിട്ടുണ്ട്.
അതേസമയം, നടന് ഇടവേള ബാബുവിന്റെ അഭിമുഖത്തിലെ ചില പരാമര്ശങ്ങളുടെ പേരില് രാജിക്കത്തു നല്കിയ നടി പാര്വതി തിരുവോത്തിന്റെ രാജി സ്വീകരിക്കാനും പ്രസിഡന്റ് മോഹന്ലാലിന്റെ അധ്യക്ഷതയില് ചേര്ന്ന യോഗം തീരുമാനിച്ചു.
