കൊച്ചി: വാഹനാപകടത്തില് പരിക്കേറ്റ് ചികിത്സയില് കഴിയുന്ന നടന് ബിനു അടിമാലിയുടെയും ഡ്രൈവര് ഉല്ലാസിന്റെയും ആരോഗ്യനിലയില് പുരോഗതി. കൊച്ചിയിലെ ആശുപത്രിയില് തീവ്രപരിചരണ വിഭാഗത്തില് നിരീക്ഷണത്തിലാണ് ബിനു അടിമാലിയിപ്പോള്. അപകടനില തരണം ചെയ്തു. എല്ലിന് പൊട്ടലേറ്റ ഉല്ലാസും ചികിത്സയില് തുടരുകയാണ്. അപകടത്തില്പ്പെട്ട മഹേഷ് കൊച്ചി അമൃത ആശുപത്രിയിലാണ് ചികിത്സ തുടരുന്നത്. ഇവരുടെ പരിക്ക് സാരമുള്ളതല്ലെന്നാണ് റിപ്പോര്ട്ടുകള്
തിങ്കളാഴ്ച പുലര്ച്ചെ നാലരയോടെ തൃശ്ശൂര് കയ്പ്പമംഗലം പനമ്പിക്കുന്നില് വച്ചായിരുന്നു നടനും മിമിക്രി കലാകാരനുമായ കൊല്ലം സുധിയുടെ മരണത്തിനിടയാക്കിയ അപകടം. വടകരയില് നിന്ന് പരിപാടി കഴിഞ്ഞ് തിരികെ തിരുവനന്തപുരത്തേക്ക് പോകുകയായിരുന്നു. അദ്ദേഹം സഞ്ചരിച്ച കാര് എതിരെ വന്ന പിക്കപ്പുമായി കൂട്ടിയിടിക്കുകയായിരുന്നു.
