കണ്ണൂര്: കര്ഷകരെ വഞ്ചിച്ചവരാണ് ബിജെപിയെന്ന് എംവി ജയരാജന്. യാഥാര്ഥ്യം ബിഷപ് തിരിച്ചറിഞ്ഞിട്ടില്ലെന്നും ജയരാജന് പറഞ്ഞു. വൈദികരില് നിന്ന് തന്നെ ജോസഫ് പാപ്ലാനിയുടെ പ്രസ്താവനക്കെതിരെ എതിര്പ്പുകള് ഉണ്ടായിട്ടുണ്ട്. റബര് വില 300 രൂപയായി ഉയര്ത്തിയാല് തെരഞ്ഞെടുപ്പില് ബിജെപിയെ സഹായിക്കുമെന്നാണ് തലശ്ശേരി ആര്ച്ച് ബിഷപ്പ് മാര് ജോസഫ് പാംപ്ലാനിയുടെ പ്രസ്താവന. കേരളത്തില് നിന്ന് ഒരു എം പി പോലുമില്ലന്ന ബി ജെ പിയുടെ വിഷമം കുടിയേറ്റ ജനത പരിഹരിച്ച് തരുമെന്നും ബിഷപ്പ് പറഞ്ഞിരുന്നു.
അതേസമയം തലശേരി അതിരൂപത ആര്ച്ച് ബിഷപ്പ് മാര് ജോസഫ് പാംപ്ലാനിയുടെ പ്രസ്താവന സ്വാഗതാര്ഹമാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന് പറഞ്ഞു. മാറ്റത്തിന്റെ സൂചനയാണ് ഇപ്പോള് കണ്ടുകൊണ്ടിരിക്കുന്നതെന്നും അദ്ദേഹം പറഞ്ഞു. കേരളത്തിലെ എല്ലാ വിഭാഗങ്ങള്ക്കും അത്താണി മോദി സര്ക്കാര് മാത്രമാണെന്നും കെ സുരേന്ദ്രന് പറഞ്ഞു. മോദിയെ പിന്തുണയ്ക്കുന്ന സര്ക്കാര് കേരളത്തിലും വരണം. എന്നാല് മാത്രമേ കേരളത്തിലുള്ളവര്ക്ക് കേന്ദ്ര സര്ക്കാരിന്റെ വികസനം പൂര്ണമായും ലഭ്യമാവുകയുള്ളൂവെന്നും സുരേന്ദ്രന് പറഞ്ഞു.