ദില്ലി; ഇന്ത്യയില് നിന്നുള്ള ഹജ്ജ് വിമാന സര്വീസുകള് മെയ് 21ന് ആരംഭിക്കും. കേരളത്തില് നിന്നും ജൂണ് ഏഴിനാണ് സര്വീസ് ആരംഭിക്കുക. ഹജ്ജിന് അപേക്ഷിക്കാനുള്ള സമയപരിധി നാളെ അവസാനിക്കും. മാര്ച്ച് 15 വരെ സര്ക്കാര് മാനേജ്മെന്റിന് കീഴില് 9,569 പേരും സ്വകാര്യ മാനേജ്മെന്റിന് കീഴില് 91,246 പേരും ഹജ്ജിനായി രജിസ്റ്റര് ചെയ്തിട്ടുണ്ട്.രജിസ്ട്രേഷനായി 25,480 ഒഴിഞ്ഞ ക്വാട്ടകള് ഇപ്പോഴുമുണ്ട്. ജൂണ് 22-ഓടെ പൂര്ത്തിയാകുന്ന രീതിയിലാണ് ഹജ്ജ് വിമാന സര്വീസുകള് ഷെഡ്യൂള് ചെയ്തിരിക്കുന്നത്.
കര്മങ്ങള് അവസാനിച്ച് ജൂലൈ രണ്ടിന് തീര്ഥാടകരുടെ മടക്കയാത്ര ആരംഭിക്കും. ഇന്ത്യയില് നിന്നുള്ള ഹജ്ജ് വിമാന സര്വീസുകളുടെ ഒന്നാം ഘട്ടം മെയ് 21-നു ആരംഭിക്കും. കേരളത്തില് നിന്നുള്ള ഹജ്ജ് വിമാന സര്വീസുകള് രണ്ടാം ഘട്ടത്തിലാണ് ഷെഡ്യൂള് ചെയ്തിരിക്കുന്നത്. ഹജ്ജ് സര്വീസിനുള്ള ടെണ്ടര് കേന്ദ്ര വ്യോമയാന മന്ത്രാലയം ക്ഷണിച്ചു.