ലക്നൗ: ഉത്തര്പ്രദേശില് ബിജെപി നേതാവിനെ വെടിവച്ച് കൊന്നു. ഫിറോസാബാദില് ഇന്നലെ രാത്രിയാണ് സംഭവം. ഉത്തര്പ്രദേശിലെ പ്രാദേശിക ബിജെപി നേതാവ് ഡി. കെ ഗുപ്തയാണ് കൊല്ലപ്പെട്ടത്.
ബൈക്കിലെത്തിയ മൂന്നംഗ സംഘമാണ് ഗുപ്തയെ കൊലപ്പെടുത്തിയത്. ഗുപ്ത തന്റ കടപൂട്ടി വീട്ടിലേക്ക് മടങ്ങുമ്പോഴായിരുന്നു ആക്രമണം നടന്നത്. മൂന്ന് ബൈക്കുകളിലായാണ് അക്രമി സംഘം എത്തിയത്. വെടിയേറ്റ് വീണ ഗുപ്തയെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് അന്വേഷണം ആരംഭിച്ചതായി എസ്.എസ്.പി സച്ചിന്ദ്ര പട്ടേല് പറഞ്ഞു.
