മുംബൈ: മഹാരാഷ്ട്രയില് ബിജെപി നേതാവിനെ വെടിവച്ചുകൊന്നു. സാംഗ്ലി ജില്ലയിലെ ജാട്ട് താലൂക്കിലാണ് സംഭവം. പ്രദേശത്തെ കോര്പ്പറേഷന് അംഗം കൂടിയായ വിജയ് ടാഡയെ അജ്ഞാതര് ആക്രമിക്കുകയുന്നു. ജാട്ടിലെ സംഗോള റോഡില് അല്ഫോന്സോ സ്കൂളിന് സമീപം വച്ചാണ് ടാഡിന്റെ കാര് അജ്ഞാതര് ആക്രമിച്ചത്. വെടിയുതിര്ത്തതിന് പിന്നാലെ വിജയ്യുടെ മൃതദേഹത്തില് കല്ലുകൊണ്ട് ആക്രമിക്കുകയും ചെയ്തു. സംഭവം പ്രദേശത്ത് പരിഭ്രാന്തി സൃഷ്ടിച്ചിട്ടുണ്ട്. റിപ്പോര്ട്ടുകള് പ്രകാരം, തന്റെ കുട്ടികളെ സ്കൂളില് നിന്ന് കൊണ്ടുപോകാന് വന്നപ്പോഴാണ് വിജയ് ടാിന് വെടിയേറ്റത്.
സാംഗ്ലിയില് കോര്പ്പറേറ്ററുടെ കൊലപാതകം ജാട്ട് താലൂക്കില് കോളിളക്കം സൃഷ്ടിച്ചിരിക്കുകയാണ്. വിജയ് അല്ഫോന്സാ സ്കൂളിനടുത്ത് എത്തിയപ്പോള്, അക്രമികള് ഇയാളുടെ കാര് തടഞ്ഞ് വെടിയുതിത്തു. തുടര്ന്ന് അക്രമികള് കല്ലുകൊണ്ട് തലയില് ഇടിക്കുകയും ചെയ്തു. ആക്രമണത്തില് വിജയ് സംഭവസ്ഥലത്ത് തന്നെ കൊല്ലപ്പെട്ടു. ഈ സംഭവത്തെ തുടര്ന്ന് ജാട്ട് നഗരത്തിലും ജില്ലയിലും സംഘര്ഷാവസ്ഥ ഉടലെടുത്തിട്ടുണ്ട്. സംഭവ സ്ഥലത്ത് ഉടന് പോലീസെത്തി നടപടികള് സ്വീകരിച്ചു. അന്വേഷണം ആരംഭിച്ചതായും അറിയിച്ചിട്ടുണ്ട്.