നെയ്യാറ്റിന്കര : ബിജെപി വനിതാ വാര്ഡ് മെമ്പറിന്റെ അച്ഛനെ ചാരായം വാറ്റിന് അറസ്റ്റ് ചെയ്തു. ഇത്രയും നാള് വിലസിയത് കാവിയുടെ മറവില് ചാരായം വാറ്റുകയായിിരുന്നു. നെയ്യാറ്റിന്കര അരംഗമുഗളില് 500 ലിറ്റര് കോട കണ്ടെടുത്തു. സംഭവത്തിന്മേല് അതിയന്നൂര് പഞ്ചായത്തിലെ ബിജെപി വാര്ഡ് മെമ്പര് കവിതയുടെ അച്ഛന് അരംഗമുഗള് കൊല്ലംവിളകത്ത് വീട്ടില് അശോക (52)നെതിരെ കേസെടുത്തു. ജനുവരിയിലും ഇതേ സ്ഥലത്തുനിന്ന് കോട കണ്ടെടുത്ത കേസില് ഇയാളെ അറസ്റ്റ് ചെയ്തിരുന്നു.
മാര്ച്ച് ആറിനാണ് ജാമ്യത്തിലിറങ്ങിത്. അരംഗമുഗള് പെരിങ്ങാലി കുളത്തിന്റെ കരയില് 50 ലിറ്റര്വീതം കൊള്ളുന്ന പത്ത് പ്ലാസ്റ്റിക് ബാരലുകളിലാണ് കോട ഒളിപ്പിച്ചിരുന്നത്. വ്യാഴാഴ്ച പകല് ഒന്നോടെയാണ് കോട കണ്ടെടുത്തത്. വയനാട്ടില് നിന്നുള്ള സംഘങ്ങള് അശോകന്റെ വീട്ടില് ഇടയ്ക്കിടെ വന്നു പോകുന്നുണ്ടെന്നും ഇയാള്ക്ക് മാവോയിസ്റ്റ് ബന്ധമുള്ളതായും പരിസരവാസികള് പറയുന്നു.
തിരുപുറം എസ്കൈസ് റെയ്ഞ്ച് ഇന്സ്പെക്ടര് കെ. എസ് സുനില്കുമാറിന്റെ നേതൃത്വത്തിലായിരുന്നു റെയ്ഡ്. പ്രിവന്റീവ് ഓഫീസര് ബി. വിജയകുമാര്, ഗ്രേഡ് പ്രിവന്റീവ് ഓഫീസര് അജികുമാര്, സജു, സാജു, രാജേഷ് കുമാര് എന്നിവര് അടങ്ങുന്ന സംഘമാണ് റെയ്ഡ് നടത്തിയത്.
