കൊച്ചി : മുഖ്യമന്ത്രിക്കെതിരെ പ്രതിഷേധിക്കാനെത്തിയ കോണ്ഗ്രസ് പ്രവര്ത്തകര് അറസ്റ്റില്. കരിങ്കൊടി കാണിക്കാനെത്തിയ ആറ് കോണ്ഗ്രസ് പ്രവര്ത്തകരാണ് അറസ്റ്റിലായത്. എറണാകുളം പുത്തന്പാലത്ത് കരിങ്കൊടി കാണിക്കാന് എത്തിയവരെയാണ് പോലീസ് അറസ്റ്റ് ചെയ്തത്. പ്രതിഷേധിക്കാനെത്തിയ രണ്ട് ട്രാന്സ്ജന്ഡേഴ്സിനെയും പോലീസ് അറസ്റ്റ് ചെയ്തു. യുവമോര്ച്ച പ്രവര്ത്തകരായ രണ്ട് ട്രാന്സ്ജെന്ഡേഴ്സിനെയാണ് അറസ്റ്റ് ചെയ്തത്.
അറസ്റ്റിലായത് യുവമോര്ച്ച പ്രവര്ത്തകരായ അവന്തിക സുരേഷും മറ്റൊരു ട്രാന്സ് വുമണുമാണ് . പ്രതിഷേധ സാധ്യതയെ തുടര്ന്ന് മുഖ്യമന്ത്രിയ്ക്ക് അസാധാരണ സുരക്ഷാ വിന്യാസമൊരുക്കി പോലീസ്. കോട്ടയത്തിന് പിന്നാലെ കൊച്ചിയിലും മുഖ്യമന്ത്രിക്ക് കനത്ത സുരക്ഷയാണ് പോലീസ് ഒരുക്കിയിരിക്കുന്നത്. പ്രതിഷേധ സാധ്യത മുന്നില് കണ്ടാണ് പോലീസിന്റെ കനത്ത സുരക്ഷ.
