കൊച്ചി : സംസ്ഥാനത്തെ ബ്ലാക് ഫംഗസ് മരുന്ന് ക്ഷാമത്തിന് താത്കാലിക പരിഹാരമായി ലൈപോസോമല്‍ ആംഫോടെറിസിന്‍ മരുന്ന് എത്തി. കേന്ദ്രസര്‍ക്കാര്‍ അനുവദിച്ച 230 കുപ്പി മരുന്നാണ് നെടുമ്പാശേരിയില്‍ എത്തിച്ചത്. ഈ മരുന്ന് സംസ്ഥാനത്തെ ആശുപത്രികളില്‍ കേരള മെഡിക്കല്‍ സര്‍വീസ് കോര്‍പ്പറേഷന്‍ വിതരണം ചെയ്യും.
സംസ്ഥാനത്ത് ഏറ്റവും കൂടുതല്‍ ബ്ലാക്ക് ഫംഗസ് രോഗികള്‍ ചികിത്സയിലുള്ള കോഴിക്കോട് മെഡിക്കല്‍ കോളജ് ആശുപത്രിയില്‍ അടക്കം മരുന്ന് ക്ഷാമം നേരിട്ടത് ഏറെ പ്രതിസന്ധി സൃഷ്ടിച്ചിരുന്നു. കഴിഞ്ഞ ദിവസം ബംഗളൂരു, ന്യൂഡല്‍ഹി എന്നിവിടങ്ങളില്‍ നിന്നാണ് രോഗികള്‍ എത്തിയത്. എന്നാല്‍ മരുന്ന് തീര്‍ന്നതോടെ കൂടുതല്‍ രോഗികളെ പ്രവേശിപ്പിക്കാന്‍ കഴിയാത്ത അവസ്ഥയിലായിരുന്നു അധികൃതര്‍. കൂടുതല്‍ മരുന്ന് എത്തിയത് പ്രതിസന്ധിക്ക് താല്‍ക്കാലിക പരിഹാരമായി.
