കാൻബറ (ഓസ്ട്രേലിയ): കമ്മ്യൂണിറ്റി സേവനപരിപാടികൾ സംഘടിപ്പിക്കുന്നതിലൂടെ സമൂഹത്തെ സേവിക്കുന്നതിനുള്ള മാർത്തോമ്മാ സഭയുടെ സമൂഹത്തോടുള്ള പ്രതിബദ്ധത സ്വദേശത്തും വിദേശത്തും ഒരുപോലെ ശ്രദ്ധേയമാണ്. കാൻബറയിലെ മാർത്തോമ്മാ ചർച്ച്, ഓസ്ട്രേലിയൻ റെഡ് ക്രോസ് ലൈഫ് ബ്ലഡുമായി സഹകരിച്ച് 100-ലധികം പേരുടെ ജീവൻ രക്ഷിക്കാൻ ആവശ്യമായ രക്തമോ പ്ലാസ്മയോ ശേഖരിക്കുക എന്ന ലക്ഷ്യത്തോടെ 2023 ജൂൺ 30 വരെ ഒരു മാരത്തോൺ രക്തദാന യജ്ഞം കാൻബറയിൽ ആരംഭിച്ചു.
റൈറ്റ് റെവ: Dr ഗ്രീഗോറിയോസ് മാർ സ്റ്റീഫനോസ് എപ്പിസ്കോപ്പയുടെ അനുഗ്രഹാശ്ശിസ്സുകളോടെ ആരംഭിച്ച രക്തദാന യജ്ഞത്തിന് ഓസ്ട്രേലിയയിൽ വൻപിച്ച സഹകരണമാണ് കിട്ടിക്കൊണ്ടിരിക്കുന്നത്. ഈ യജ്ഞത്തിന് നേതൃത്വം വഹിച്ച കാൻബറ മാർത്തോമാ പള്ളിയുടെ വൈസ് പ്രസിഡന്റ് ഫിനോ സഖറിയക്കു അഭിവന്ദ്യ എപ്പിസ്കോപ്പ സ്മരണിക നൽകി ക്യാമ്പെയിന്റെ ഉൽഘാടനം നിർവഹിച്ചു. തദ്ദവസരത്തിൽ മറ്റു വിശിഷ്ട വ്യക്തികൾക്കൊപ്പം വികാരി റെവ: ഈപ്പൻ മാത്യു, പ്രോഗ്രാം കോ ഓർഡിനേറ്റേഴ്സ് ബെൻസൺ ബാബു, തോമസ് ഈശോ എന്നിവരും തദ്ദവസ്സരത്തിൽ സന്നിഹിതനായിരുന്നു.
ക്യാൻസർ, രക്ത വൈകല്യങ്ങൾ, പക്ഷാഘാതം തുടങ്ങിയ വൈവിധ്യമാർന്ന മെഡിക്കൽ അവസ്ഥകളെ ചികിത്സിക്കാൻ ഈ കാമ്പയിനിൽ നിന്ന് ശേഖരിക്കുന്ന രക്തം ഉപയോഗിക്കും. രക്തം ദാനം ചെയ്യുന്നത് സ്വീകർത്താക്കൾക്ക് മാത്രമല്ല, ദാദാക്കൾക്കും ആരോഗ്യപരമായ ഗുണങ്ങൾ നല്കുന്നതിനോടൊപ്പം, ഹൃദ്രോഗം, ക്യാൻസർ എന്നിവയ്ക്കുള്ള സാധ്യത കുറക്കാനും സഹായകമാണെന്നു പഠനങ്ങൾ തെളിയിച്ചിട്ടുണ്ട്. ഫോട്ടോയിൽ ഇടത്തുനിന്നും : എഡ്വിൻ ജോൺ, പ്രശാന്ത് എബ്രഹാം, ഫിനോ സ്കറിയ, തോമസ് ഈശോ, റൈറ്റ് റെവ: Dr ഗ്രീഗോറിയോസ് മാർ സ്റ്റീഫനോസ് എപ്പിസ്കോപ്പ, റെവ: ഈപ്പൻ മാത്യു, ബെൻസൺ ബാബു, രാകേഷ് ജോർജ്, കെവിൻ ജേക്കബ്, റേഞ്ചു ജോയ്സ്.
