ഡല്ഹി : കടമെടുപ്പ് പരിധി വെട്ടിക്കുറച്ചതുമായി ബന്ധപ്പെട്ട് കേന്ദ്രവും സംസ്ഥാനവും തമ്മിലുള്ള ഉദ്യോഗസ്ഥതല ചര്ച്ച ഇന്ന് നടക്കും. രാവിലെ 11-ന് ഡല്ഹിയില് ധനമന്ത്രാലയത്തിലാണ് ചര്ച്ച നടക്കുന്നത്. മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി കെ.എം. ഏബ്രഹാം, ധനകാര്യ വകുപ്പ് പ്രിന്സിപ്പല് സെക്രട്ടറി രബീന്ദ്ര കുമാര് അഗര്വാള് എന്നിവരടക്കമുള്ളവരാണ് ചർച്ചയിൽ പങ്കെടുക്കുന്നത്.
സുപ്രീംകോടതി നിര്ദേശിച്ചപ്രകാരമാണ് കേന്ദ്രവും സംസ്ഥാനവും ചര്ച്ചയ്ക്കു തയാറായത്. നിബന്ധനകളില്ലാതെ 13,608 കോടി കടമെടുക്കാൻ കേരളത്തിന് അനുമതി നൽകാൻ കേന്ദ്രത്തിന് സുപ്രീംകോടതി നിർദേശം നൽകിയിരുന്നു.
