സിദ്ധാര്ഥ് മല്ഹോത്ര നായകനായി എത്തിയ ചിത്രമാണ് യോദ്ധ. സാഗര് ആംമ്പ്രേയും പുഷ്കര് ഓജയുമാണ് സംവിധാനം നിര്വഹിച്ചിരിക്കുന്നത്. നായികയായി എത്തിയിരിക്കുന്നത് റാണി ഖന്നയാണ്. വിദേശത്ത് സിദ്ധാര്ഥ് മല്ഹാത്രയ്ക്ക് ശരാശരി കളക്ഷന് നേടാനായിട്ടുണ്ട്. വിദേശത്ത് നിന്ന് യോദ്ധയ്ക്ക് 11 കോടി രൂപയാണ് ആകെ നേടാന് കഴിഞ്ഞിരിക്കുന്നത്. സിദ്ധാര്ഥ് മല്ഹോത്രയുടെ ആഗോളതലത്തില് 50 കോടി രൂപയിലധികം നേടിയെന്നാണ് ബോക്സ് ഓഫീസ് റിപ്പോര്ട്ടുകള് വ്യക്തമാക്കിയത്. ഛായാഗ്രാഹണം ജിഷ്ണു ഭട്ടാചര്ജീയാണ്. തനിഷ്ക് ഭാഗ്ചി യോദ്ധയുടെ സംഗീത സംവിധാനം നിര്വഹിച്ചിരിക്കുന്നു. ചിത്രത്തിന്റെ നിര്മാണം ധര്മ പ്രൊഡക്ഷന്സാണ്. വിതരണം നിര്വഹിച്ചിരിക്കുന്നത് എഎ ഫിലിംസാണ്. ദൈര്ഘ്യം 130 മിനിറ്റും ആണ്. ദിഷാ പഠാണിയും പ്രധാന കഥാപാത്രമാകുന്ന ചിത്രത്തില് രോണിത് റോയ് തനുജ്, സണ്ണി ഹിന്ദുജ, എസ് എം സഹീര്, ചിത്തരഞ്ജന് ത്രിപതി, ഫാരിദാ പട്ടേല് മിഖൈലല് യവാള്ക്കര് എന്നിവരും വേഷമിട്ടിട്ടുണ്ട്.
തിരക്കഥ എഴുതിയിരിക്കുന്നത് സാഗര് ആംബ്രെയാണ്. യോദ്ധ ഒരു ആക്ഷന് ത്രില്ലര് ചിത്രമായിട്ടാണ് ഒരുക്കിയിരിക്കുന്നത്. സിദ്ധാര്ഥ് മല്ഹോത്രയുടെ പ്രകടനം തന്നെയാണ് ചിത്രത്തിന്റെ പ്രധാന ആകര്ഷണം. അരുണ് കട്യാല് എന്ന ഒരു കഥാപാത്രമായിട്ടാണ് സിദ്ധാര്ഥ് മല്ഹോത്ര യോദ്ധ എന്ന ചിത്രത്തില് വേഷമിട്ടിരിക്കുന്നത്. സിദ്ധാര്ഥ് മല്ഹോത്ര നിലവില് ബോളിവുഡ് യുവ താരങ്ങളില് മുന് നിരയില് എത്താനുള്ള ശ്രമത്തിലാണ്. എ ജെന്റില്മാന് എന്ന ഒരു ചിത്രത്തില് ഗായകനായും സിദ്ധാര്ഥ് മല്ഹോത്ര തിളങ്ങിയിരുന്നു. ജബരിയാ ജോഡി, ഷേര്ഷാ തുടങ്ങിയ സിനിമകള്ക്ക് പുറമേ താങ്ക് ഗോഡ്, എക് വില്ലന്, സ്റ്റുഡന്റ് ഓഫ് ദ ഇയര് തുടങ്ങിവയിലൂടെയും പ്രേക്ഷകരുടെ പ്രിയം നേടിയ താരമാണ് സിദ്ധാര്ഥ് മല്ഹോത്ര.
