പത്തനംതിട്ട : പ്രായപൂർത്തിയാകാത്ത പെൺകുട്ടിയെ പലതവണ ലൈംഗികമായി പീഡിപ്പിച്ച കേസില് അകന്ന ബന്ധുവും കാമുകനുമായ യുവാവിനെ ചിറ്റാർ പോലീസ് പിടികൂടി. ചിറ്റാർ കാരികയം കൊടുമുടി ഇലവുങ്കൽ ശശാങ്കൻ മകൻ ശരത്തി (21) നെയാണ് അറസ്റ്റ് ചെയ്തത്. പെൺകുട്ടിയുമായി പ്രണയത്തിലായ ഇയാൾ 2020 ജൂൺ 19 മുതൽ ഈവർഷം ഫെബ്രുവരി 2 വരെയുള്ള കാലയളവിൽ പലദിവസങ്ങളിൽ പെൺകുട്ടിയുടെ വീട്ടിൽ വച്ച് പീഡിപ്പിക്കുകയായിരുന്നു. കഴിഞ്ഞദിവസം വൈകിട്ട് ആണ് കേസ് റിപ്പോർട്ട് ആയത്.
ജില്ലാ പോലീസ് മേധാവിയുടെ നിർദേശപ്രകാരം അന്വേഷണം വ്യാപിപ്പിച്ച പോലീസ് ഇൻസ്പെക്ടർ രാജേന്ദ്രൻ പിള്ളയുടെ നേതൃത്വത്തിലുള്ള അന്വേഷണസംഘം പ്രതിയെ പിടികൂടി സ്റ്റേഷനിൽ എത്തച്ചു. വിശദമായി ചോദ്യം ചെയ്തപ്പോൾ പ്രതി കുറ്റം സമ്മതിച്ചതിനെ തുടർന്ന് അറസ്റ്റ് രേഖപ്പെടുത്തുകയായിരുന്നു. എസ്ഐ മാരായ സുരേഷ് കുമാർ, സുരേഷ് പണിക്കർ, എസ് സിപിഓ അൻസർ എന്നിവരാണ് സംഘത്തിലുണ്ടായിരുന്നത്.
